La 149:1-9
149 Nyɛ je Yah yi!*
Nyɛ la la ehe ha Yehowa;Nyɛ je e yi ngɛ e we anɔkualetsɛ ɔmɛ a we asafo ɔ mi.
2 Israel nɛ nya ngɛ e Peelɔ Ngua a mi;Zion binyumu ɔmɛ a bua nɛ jɔ ngɛ a Matsɛ ɔ mi.
3 Á do kɛ je e biɛ ɔ yiNɛ́ a la yi jemi lahi* kɛ ha lɛ, nɛ a fia akasawa kɛ saku kɛ to he.
4 Ejakaa Yehowa bua jɔɔ e we bi a he.
E kpɔ̃ɔ nihi nɛ a he jɔ ɔ, nɛ lɔ ɔ haa nɛ a he peeɔ fɛu.
5 Nihi nɛ a yeɔ lɛ anɔkuale ɔ nɛ a nya ngɛ hɛ mi nyami mi;Á kɛ bua jɔmi nɛ he ose ngɛ a sahi a nɔ.
6 Mawu yi jemi lahi nɛ hi a nya,Nɛ klaate nya enyɔtsɛ nɛ hi a dɛ mi,
7 Konɛ a kɛ ye lue ngɛ je ma amɛ a nɔ,Nɛ́ a kɛ gbla ma amɛ a tue,
8 Nɛ́ a ngɔ kɔsɔkɔsɔhi kɛ fĩ a matsɛmɛ ɔmɛ,Nɛ a bɔ a we odehe ɔmɛ dade pahi,
9 Konɛ a kojo mɛ kaa bɔ nɛ a ngma ngɔ to ɔ.
Hɛ mi nyami nɛ ɔ ngɛ kɛ ha nihi tsuo nɛ yeɔ lɛ anɔkuale ɔ.
Nyɛ je Yah yi!*
Sisi Ningmahi
^ Aloo “Haleluyah!” “Yah” ji biɛ Yehowa a kpiti pomi.
^ Aloo “a fia la.”
^ Aloo “Haleluyah!” “Yah” ji biɛ Yehowa a kpiti pomi.
