La 16:1-11
David miktam.*
16 Ye Mawu, moo po ye he piɛ, ejakaa i sa we ngɛ o ngɔ.
2 I de Yehowa ke: “Mo ji Yehowa, ní kpakpahi tsuo nɛ i ngɛ ɔ je o ngɔ.
3 Nɛ ni klɔuklɔu ɔmɛ nɛ a ngɛ zugba a nɔ,Nihi nɛ a hɛ mi ngɛ nyami ɔ haa nɛ i náa bua jɔmi babauu.”
4 Nihi nɛ hlaa mawu kpahi a se blɔ ɔ, a kɔmɔ yemi hiɛɛ babauu.
I be a muɔ afɔle ɔmɛ plɛe kɛ pue zugba kaa dã afɔlehi kɔkɔɔkɔ,Nɛ a biɛ po ye nya be ta woe.
5 Yehowa ji ye blɔ fa mi nɔ́ nɛ a ha mi, kɛ ye kplu.
O poɔ ye weto ní ɔ he piɛ.
6 O po hehi nɛ hi kɛ ha mi.
Ee, ye bua jɔ ye weto ní ɔ he.
7 Ma je Yehowa, nɔ nɛ wo mi ga a yi.
Nyɔ mi po ɔ, ye susumi* tsɔseɔ mi.
8 I susuɔ Yehowa he daa.
Akɛnɛ e ngɛ ye hiɔ nɔ he je ɔ, i be mimiɛe* gblegbleegble.
9 Lɔ ɔ he ɔ, ye tsui nyaa, nɛ imi nɔmlɔ ɔ tsuo i* ngɛ bua jɔmi.
Nɛ i* hiɔ si slɔkee.
10 Ejakaa o be mi sie ngɛ Yɔkɔ* mi.*
O be hae nɛ nɔ nɛ yeɔ mo anɔkuale ɔ nɛ na muɔ.*
11 O ha nɛ i le wami blɔ ɔ.
Bua jɔmi babauu ngɛ o hɛ mi;Bua jɔmi ngɛ o hiɔ nɔ kɛ yaa neneene.
Sisi Ningmahi
^ Aloo “bɔ nɛ i nuɔ he ha ngɛ ye mi tɔɔ ɔ.” Ngɛ Hebri gbi mi ɔ, “ye se tso mi ngmɛ.”
^ Aloo “i be dedee.”
^ Ngɛ Hebri gbi mi ɔ, “nɛ ye hɛ mi nyami ɔ.”
^ Aloo “Nɛ ye he lo.”
^ Ngɛ Hebri gbi mi ɔ, “Sheol.” Hyɛ Munyu Komɛ A Sisi Tsɔɔmi.”
^ Aloo “o be ye klaa kuae kɛ ha Yɔkɔ.”
^ Baiblo komɛ de ke “O be hae nɛ nɔ nɛ yeɔ mo anɔkuale ɔ nɛ na puɛmi.”
