La 20:1-9
-
Mawu matsɛ nɛ a pɔ lɛ nu ɔ yi wami hemi
-
Ni komɛ ngɔɔ a hɛ kɛ fɔɔ ta zugba lɛhi kɛ okpɔngɔhi a nɔ, ‘se wɔɔ lɛɛ wa tsɛɔ Yehowa biɛ ɔ’ (7)
-
Kɛ ha la nɔ hyɛlɔ ɔ. La nɛ David po.
20 Yehowa nɛ he mo* nɔ ngɛ haomi ligbi nɔ.
Yakob Mawu ɔ nɛ po o he piɛ ke o tsɛ e biɛ ɔ.
2 É je e he klɔuklɔu ɔ kɛ ye bua moNɛ́ e je Zion kɛ baa o yi.
3 É kai afɔlehi nɛ o kɛ ba kaa nike ní ɔ tsuo;É kplɛɛ o sami afɔle ɔ nɔ.* (Sela)
4 É ha mo níhi nɛ o tsui suɔ,Nɛ́ e ha nɛ o blɔ nya tomihi* tsuo nɛ ye manye.
5 Wa ma kpa ngmlaa kɛ bua jɔmi ngɛ o yi wami hemi níhi nɛ o pee ɔmɛ a he;Wa ma wo wa aflangaa amɛ a nɔ ngɛ wa Mawu ɔ biɛ mi.
Yehowa nɛ ha mo níhi nɛ o bi lɛ ɔ tsuo.
6 Kpaako i na kaa Yehowa heɔ nɔ nɛ e pɔ lɛ nu ɔ yi wami.
E jeɔ e he klɔuklɔu ɔ ngɛ hiɔwe ɔ kɛ haa lɛ hetoNɛ e kɛ e hiɔ nine peeɔ ní* nguahi kɛ heɔ e yi wami.
7 Ni komɛ ngɔɔ a hɛ kɛ fɔɔ ta zugba lɛhi a nɔ, nɛ ni komɛ hu ngɔɔ a hɛ kɛ fɔɔ okpɔngɔhi a nɔ,Se wɔɔ lɛɛ wa tsɛɔ Yehowa wa Mawu ɔ biɛ ɔ.
8 A kplɔ* nɛ a nɔɔ si,Se wɔɔ lɛɛ wa te si, nɛ wa da wa nane nɔ ekohu.
9 Oo Yehowa, mo he matsɛ ɔ yi wami!
Ligbi nɛ wa ma tsɛ lɛ kɛ ha yemi kɛ buami ɔ, e ma he wɔ nɔ.
Sisi Ningmahi
^ Ngɛ kuku 1-5 mi ɔ, e ngɛ heii kaa ni ɔmɛ ngɛ munyu tue kɛ tsɔɔ matsɛ ɔ.
^ Ngɛ Hebri gbi mi ɔ, “É na o sami afɔle ɔ kaa zɔ.”
^ Aloo “ga womihi.”
^ Aloo “hiɔ nine yeɔ kunimi.”
^ Aloo “hule.”
