La 30:1-12
-
Aywilɛho yemi plɛ pee bua jɔmi
-
Mawu mɔbɔ nami ɔ ngɛ kɛ yaa neneene (5)
-
La nɛ David po. We ɔ nya blimi la.
30 Oo Yehowa, ma wo o hɛ mi nyami, ejakaa o wo ye nɔ;O ha we nɛ ye he nyɛli ɔmɛ nɛ a nya ngɛ ye nɔ́ nami ɔ he.
2 Yehowa ye Mawu, i fo ya kɛ bi mo yemi kɛ buami, nɛ o tsa mi.
3 Oo Yehowa, o wo ye* nɔ kɛ je Yɔkɔ* mi.
O ha nɛ i ngɛ wami mi; o ha we nɛ ma ya muɔ* mi.
4 Nyɛ la yi jemi lahi* kɛ ha Yehowa, nyɛ nihi nɛ nyɛ yeɔ lɛ anɔkuale,Nyɛɛ kɛ sina nɛ ha e biɛ* klɔuklɔu ɔ;
5 Ejakaa e we abofu ɔ se kɛ we ngɛ nɔ nɔ,Se e dloomi ɔ hiɔ nɔ nɔ ngɛ nɔ ɔ wami be tsuo mi.
Nɔ ko ma nyɛ ma fo ya gbɔkuɛ, se mɔtu ɔ, e ma he ose.
6 Benɛ nɔ́ ko gba we ye nya a, i de ke:
“I be mimiɛe* gblegbleegble.”
7 Yehowa ye Mawu, benɛ o dloomi ɔ ngɛ ye nɔ ɔ, o ha nɛ ye he wa kaa yoku.
Se benɛ o ngɔ o hɛ mi kɛ laa mi ɔ, i ye gbeye.
8 Oo Yehowa, mo lɛ i ya nɔ nɛ i tsɛ;Nɛ Yehowa ji nɔ nɛ i ya nɔ nɛ i kpa lɛ pɛɛ kaa e na mi mɔbɔ.
9 Mɛni se nami lɛ ngɛ ye gbenɔ* he? Nɛ ke i ho muɔ* mi ya a, mɛni se nami lɛ ngɛ he?
Zu ma je o yi lo? Anɛ e maa jaje o we anɔkuale yemi ɔ lo?
10 Ao Yehowa, moo bu mi tue nɛ o na mi mɔbɔ.
Yehowa ye Mawu, moo ye bua mi.
11 O tsake ye aywilɛho yemi ɔ kɛ pee domi;O je kpekpe ɔ ngɛ ye he, nɛ o ngɔ bua jɔmi kɛ ha ye he kaa bo,
12 Konɛ ma la* yi jemi la ha mo, nɛ́ ma ko ma ye nya.
Oo Yehowa ye Mawu, ma je o yi kɛ ya neneene.
Sisi Ningmahi
^ Aloo “ye klaa.”
^ Ngɛ Hebri gbi mi ɔ, “Sheol.” Hyɛ Munyu Komɛ A Sisi Tsɔɔmi.
^ Aloo “yɔkɔ.”
^ Aloo “Nyɛɛ fia la.”
^ Ngɛ Hebri gbi mi ɔ, “e kaimi.”
^ Aloo “I be dedee.”
^ Ngɛ Hebri gbi mi ɔ, “muɔ.”
^ Aloo “yɔkɔ.”
^ Aloo “ye hɛ mi nyami ɔ nɛ la.”
