La 48:1-14
La. La nɛ Kora binyumu ɔmɛ po.
48 Yehowa kle nɛ e sa yi jemi nɛ pe kulaaNgɛ wa Mawu ɔ ma a mi, ngɛ e yoku klɔuklɔu ɔ nɔ.
2 Matsɛ Ngua a ma aJi Zion Yoku ɔ nɛ ngɛ yiti je tɔɔ ɔ nɛ;E maa si glouu kɛ e he fɛu, nɛ e haa nɛ zugba a tsuo náa bua jɔmi.
3 Mawu ha nɛ a le ngɛ e mɔhi nɛ a he wa a miKaa lɛ ji wesa he* nɛ ngɛ slɔkee.
4 Ejakaa hyɛ! matsɛmɛ bua a he nya;*A pee kake kɛ ba.
5 Benɛ a na ma a, a nya kpɛ a he.
A tsui po, nɛ a kɛ gbeye tu fo kɛ je.
6 A he do blibliibli ngɛ lejɛ ɔ,A gbo dengme kaa yo nɛ ngɛ fɔe.
7 O ngɔ puje he kɔɔhiɔ kɛ butu Tarshish mele ɔmɛ.
8 Níhi nɛ wa nu ɔ, amlɔ nɛ ɔ, wɔ nitsɛmɛ wa naNgɛ Yehowa tabohiatsɛ ɔ ma a mi, ngɛ wa Mawu ɔ ma a mi.
Mawu ma ha nɛ ma a maa ma si kpɛii kɛ ya neneene. (Sela)
9 Oo Mawu, wa susuɔ o suɔmi nɛ se pui ɔ heNgɛ o sɔlemi we ɔ mi.
10 Oo Mawu, kaa bɔ nɛ e ji ngɛ o biɛ ɔ blɔ fa mi ɔ, o yi jemi ɔSuɔ zugba a nyagbe he ɔmɛ.
O hiɔ nine mi hyi tɔ kɛ dami ní peemi.
11 Zion Yoku ɔ nɛ nya,Yuda ma amɛ* a bua nɛ jɔ ngɛ o kojomi ɔmɛ a he je.
12 Nyɛɛ bɔle Zion; nyɛɛ nyɛɛ kɛ bɔle lɛ kɛ kpe;Nyɛɛ kane e mɔ ɔmɛ.
13 Nyɛɛ to e ta hwumi kpoku* ɔmɛ a he hɛ.
Nyɛ kpa e mɔhi nɛ a he wa a si,Konɛ nyɛ nyɛ nɛ nyɛɛ tu he munyu kɛ tsɔɔ yi nɔhi nɛ maa ba hwɔɔ se ɔ.
14 Ejakaa Mawu nɛ ɔ ji wa Mawu kɛ yaa neneene.
E maa bu wa he kɛ ya neneene.*
Sisi Ningmahi
^ Aloo “he nɛ ya hiɔwe.”
^ Aloo “matsɛmɛ to be nɛ a kpe.”
^ Ngɛ Hebri gbi mi ɔ, “Yuda biyi ɔmɛ.”
^ E ji kpoku loo gbogbo nɛ a daa nɔ kɛ hwuɔ ta, aloo a kɛ poɔ ma he piɛ.
^ Baiblo komɛ de ke “kɛ ya si be nɛ wa ma gbo.”
