La 57:1-11
Kɛ ha la nɔ hyɛlɔ ɔ; a kɛ fɔ̃ “Ko Kpata Hɛ Mi.” David la. Miktam.* Benɛ e tu Saul nya fo kɛ ya sɛ tɛ puɔ ɔ mi ɔ.
57 Naa mi mɔbɔ, Ao Mawu, naa mi mɔbɔ,Ejakaa o ngɔ lɛ i* sa we ngɛ,Nɛ o pɛli hɔ̃ ɔ sisi lɛ i sa we ngɛ kɛ yaa si be nɛ haomi ɔmɛ maa be.
2 I tsɛ Mawu, Nɔ Nɛ E Nɔ Kuɔ Pe Kulaa a,Anɔkuale Mawu ɔ, nɔ nɛ haa nɛ ye haomi ɔmɛ a se poɔ ɔ.
3 E ma ha yemi kɛ buami nɛ je hiɔwe kɛ ba, nɛ e ma he ye yi wami.
E ma futu nɔ nɛ tuaa mi ɔ yi mi. (Sela)
Mawu ma je e suɔmi nɛ se pui ɔ kɛ e we anɔkuale yemi ɔ kpo.
4 Jatahi bɔle mi* kɛ kpe;E biɔ nɛ ma hwɔ nihi nɛ a ngɛ hlae nɛ a mi mi ɔ a kpɛti,Nihi nɛ a lunguhi ngɛ kaa akplɔhi kɛ kɛ̃ɛ̃ mi bihi,Nɛ́ a lilɛ ngɛ kaa klaate nɛ nya ba a.
5 Oo Mawu, á wo o nɔ gojoo kɛ be hiɔwe ɔmɛ a he;Á na o hɛ mi nyami ɔ ngɛ zugba a nɔ tsuo.
6 A wo ya konɛ e du ye nane;Haomi ha nɛ i* gbɔjɔ.
A tsua muɔ ngɛ ye hɛ mi,Se mɛ nitsɛmɛ a nɔ mi. (Sela)
7 I* fĩ si kpɛii, Oo Mawu,I fĩ si kpɛii.
Ma la, nɛ ma fia la.
8 O hɛ nɛ tsɛ̃, ye hɛ mi nyami.
O hɛ nɛ tsɛ̃, Oo kpã saku; Oo saku, mo hu o hɛ nɛ tsɛ̃.
Ye hɛ maa tsɛ̃ makɛ.
9 Oo Yehowa, ma je o yi ngɛ ma amɛ a mi;Ma la yi jemi lahi* ha mo ngɛ je ma amɛ a kpɛti.
10 Ejakaa o suɔmi nɛ se pui ɔ kle kɛ su hiɔwe lokoo,Nɛ o we anɔkuale yemi ɔ su bɔku ɔmɛ a mi tɔɔ.
11 Oo Mawu, á wo o nɔ gojoo kɛ be hiɔwe ɔmɛ a he;Á na o hɛ mi nyami ɔ ngɛ zugba a nɔ tsuo.
Sisi Ningmahi
^ Aloo “ye klaa.”
^ Aloo “ye klaa.”
^ Aloo “ye klaa.”
^ Ngɛ Hebri gbi mi ɔ, “Ye tsui.”
^ Aloo “Ma fia la.”
