La 6:1-10
Kɛ ha la nɔ hyɛlɔ ɔ; á fia kpã sakuhi nɛ a kɛ fɔ Sheminit* kɛ to he. La nɛ David po.
6 Oo Yehowa, o kɛ abofu nɛ ko kã ye hɛ mi,Nɛ o kɛ mi mi fumi nɛ ko tsɔse mi.
2 Oo Yehowa, moo na mi mɔbɔ, ejakaa i ngɛ gbɔjɔe.
Oo Yehowa, mo tsa mi, ejakaa ye wu ɔmɛ ngɛ mimiɛe.
3 Ee, i* hao wawɛɛ,Oo Yehowa, i ngɛ mo bie ke, kɛ yaa si mɛni be?
4 Oo Yehowa, moo kpale nɛ o ba kpɔ̃ mi;*Mo he ye yi wami ngɛ o suɔmi nɛ se pui ɔ he je.
5 Ejakaa ke nɔ ko gbo ɔ, e be nyɛe maa wo o ta;*Mɛnɔ ma je o yi ngɛ Yɔkɔ mi?*
6 Huu nɛ i ngɛ pee ɔ ha nɛ i gbɔjɔ;Nyɔ mi tsuo ɔ, i pɔɔ ye sa kɛ vonyu;*I foɔ ya kɛ pɔɔ ye sa a tsɔtsɔɔtsɔ.
7 Kɔmɔ yemi ɔ ha nɛ ye hɛngmɛ nɔ pee kusuu;Ye hɛngmɛ hyɛ we nɔ́* ngɛ nihi tsuo nɛ a ngɛ mi haoe ɔ a he je.
8 Nyɛ nihi tsuo nɛ nyɛ peeɔ ní yayamihi, nyɛɛ je ye nɔ kɛ ya se,Ejakaa Yehowa maa nu ye ya fomi ɔ he.
9 Yehowa maa bu ye pɛɛ kpami kɛ ha mɔbɔ nami ɔ tue;Yehowa ma ha ye sɔlemi ɔ heto.
10 Ye he nyɛli tsuo a hɛ mi ma pue si, nɛ a maa pee basaa;A kɛ zo maa kpale a se si kake too.
Sisi Ningmahi
^ Aloo “ye klaa.”
^ Aloo “kpɔ̃ ye klaa.”
^ Aloo “e be nyɛe ma kai mo.”
^ Ngɛ Hebri gbi mi ɔ, “Sheol.” Hyɛ Munyu Komɛ A Sisi Tsɔɔmi.
^ Ngɛ Hebri gbi mi ɔ, “i haa nɛ ye sa sleɔ.”
^ Aloo “Ye hɛngmɛ bwɔ.”
