La 60:1-12
Kɛ ha la nɔ hyɛlɔ ɔ; a kɛ fɔ̃ “Kaimi Lili* Mɔmɔ ɔ.” Miktam.* David la. Kɛ ha ní tsɔɔmi. Benɛ e kɛ Aram Naharaim kɛ Aram Zoba hwu ta, nɛ́ Yoab kpale kɛ ba nɛ e ba gbe Edombi 12,000 ngɛ Ngo Dɔgba a mi ɔ.
60 Oo Mawu, o kua wɔ; o ye wa nɔ kunimi.
O mi mi fu wɔ; se amlɔ nɛ ɔ lɛɛ moo kpale wɔ kɛ ba o ngɔ ekohu!
2 O ha nɛ zugba a mimiɛ; o gba zugba a mi.
Mo dla hehi nɛ gba a, ejakaa e ngɛ gbɛe kulaa.
3 O ha nɛ o we bi ɔmɛ na nɔ́.
O ha nɛ wa nu wai nɛ wa ngɛ dedee.
4 Mo ha* nihi nɛ a yeɔ mo gbeye ɔ okadi koKonɛ a tu fo, nɛ́ a je kɛ̃ɛ̃ ɔ nya. (Sela)
5 Bɔ nɛ pee nɛ a kpɔ̃ o suɔli ɔmɛ ɔ,Moo ngɔ o hiɔ nine kɛ he wa yi wami, nɛ́ o ha wa sɔlemi ɔ heto.
6 Mawu nɛ e ngɛ klɔuklɔu ɔ* de ke:
“Ma nya, ma ngɔ Shekem kɛ ha kaa weto ní,Nɛ ma susu Sukot Dɔgba a kɛ ha nihi.
7 Ye nɔ́ ji Gilead kaa bɔ nɛ ye nɔ́ ji Manase ɔ,Nɛ Efraim ji dade pɛɛ* kɛ ha ye yi;Yuda ji ye hɛ mi nyɛɛlɔ tso.
8 Moab ji tsesi nɛ i fɔɔ ye nane he ngɛ mi.*
Edom nɔ lɛ ma sake ye tokota kɛ fɔ.
Ma he ose ejakaa ma ye Filistia nɔ kunimi.”
9 Mɛnɔ maa ngɔ mi kɛ ba ma nɛ a sa yi* ɔ mi?
Mɛnɔ maa nyɛɛ ye hɛ mi hluu kɛ ya si Edom?
10 Oo Mawu, pi mo nɛ o kua wɔ ɔ lo?Wa Mawu, pi mo nɛ o kɛ wa tabo ɔmɛ yɛ ta hu ɔ lo?
11 Moo ye bua wɔ ngɛ wa haomi ɔ mi,Ejakaa yi wami hemi nɛ je adesa ngɔ ɔ ji yaka.
12 Mawu ma ha wɔ he wami,Nɛ e maa naa wa he nyɛli ɔmɛ a nɔ.
Sisi Ningmahi
^ Aloo “Tɔngɔtofoe.”
^ Baiblo komɛ de ke “O ha.”
^ Baiblo komɛ de ke “Mawu nɛ ngɛ e he klɔuklɔu ɔ.”
^ Ngɛ Hebri gbi mi ɔ, “mɔ nɛ he wa.”
^ Ngɛ Hebri gbi mi ɔ, “Moab ji ye hedu tsesi.”
^ Baiblo komɛ de ke “ma nɛ a fia gbogbo wo he.”
