La 61:1-8
-
Mawu ji mɔ nɛ he wa nɛ poɔ ye he piɛ ngɛ he nyɛli a he
-
“Ma to o bo tsu ɔ mi” (4)
-
Kɛ ha la nɔ hyɛlɔ ɔ; á fia kpã sakuhi kɛ to he. David la.
61 Ao Mawu, moo bu ya nɛ i ngɛ foe kɛ ha yemi kɛ buami ɔ tue.
Moo bu ye sɔlemi ɔ tue.
2 Ke ye tsui hao ɔ,*Ma kpa ngmlaa kɛ tsɛ mo kɛ je zugba a nyagbe he ɔmɛ.
Moo nyɛɛ ye hɛ mi kɛ ya tɛsa nɛ ya hiɔwe pe mi nɔ.
3 Ejakaa mo ji ye wesa he,Mo ji mɔ nɛ he wa nɛ poɔ ye he piɛ ngɛ he nyɛli a he.
4 Ma to o bo tsu ɔ mi kɛ ya neneene;Ma sa we ngɛ o pɛli ɔmɛ a sisi. (Sela)
5 Ejakaa mo Mawu, o nu kitahi nɛ i kã amɛ tsuo.
O ngɔ nihi nɛ yeɔ o biɛ ɔ gbeye ɔ a weto ní ɔ kɛ ha mi.
6 O maa ngɔ ligbihi kɛ piɛɛ matsɛ ɔ ligbi ɔmɛ a* he,Nɛ e maa ya nɔ nɛ e maa hi si yi nɔhi babauu.
7 E maa hi si ngɛ matsɛ sɛ nɔ* kɛ ya neneene ngɛ Mawu hɛ mi;Moo dloo* lɛ suɔmi nɛ se pui kɛ anɔkuale yemi konɛ a bu e he.
8 Kɛkɛ ɔ, ma la yi jemi lahi* kɛ ha o biɛ ɔ kɛ ya neneene,Be mi nɛ i yeɔ kitahi nɛ i kã amɛ a nɔ daa ligbi ɔ.
Sisi Ningmahi
^ Aloo “ye tsui gbɔjɔ.”
^ Aloo “matsɛ ɔ wami.”
^ Aloo “E maa hi si.”
^ Aloo “Ha.”
^ Aloo “ma fia la.”
