La 66:1-20
Kɛ ha la nɔ hyɛlɔ ɔ. La nɛ a po.
66 Zugba a tsuo, nyɛ he ose kɛ je Mawu yi.
2 Nyɛ la yi jemi lahi* kɛ ha e biɛ nɛ hɛ mi ngɛ nyami ɔ.
Nyɛɛ kɛ yi jemi nɛ wo e hɛ mi nyami.
3 Nyɛ de Mawu ke: “Hyɛ bɔ nɛ o ní tsumi ɔmɛ ngɛ gbeye ha!
O he wami kpetekpleenyɛ ɔ he je ɔ,O he nyɛli ɔmɛ a he maa do blibliibli ngɛ o hɛ mi.
4 Zugba a tsuo ma kplã si ha mo;A ma la yi jemi lahi ha mo;A ma la yi jemi lahi ha o biɛ ɔ.” (Sela)
5 Nyɛ ba hyɛ Mawu ní tsumi ɔmɛ.
Níhi nɛ e peeɔ ha nimli a bimɛ ɔ ngɛ nyakpɛ.
6 E ha nɛ wo ɔ plɛ pee zugba gbigbli;A nyɛɛ kɛ po pa a.
Wa nya ngɛ lejɛ ɔ ngɛ nɔ́ nɛ e pee ha wɔ ɔ he je.
7 E yeɔ nɔ kɛ yaa neneene ngɛ e he wami ɔ nya.
E hɛngmɛ ngɛ je ma amɛ a he.
Nihi nɛ a tue mi ti ɔ nɛ ko wo a he nɔ. (Sela)
8 Nyɛ je mahi, nyɛ je wa Mawu ɔ yi,Nɛ́ nyɛ ha nɛ a nu e yi jemi ɔ he.
9 E haa nɛ wa* hiɔ wami mi;E ha we nɛ wa nane nɛ tɛ nɔ́.*
10 Ejakaa mo Mawu, o kpa wa mi;O tsu wa he kaa bɔ nɛ a tsuɔ sika hiɔ he ɔ.
11 O ha nɛ o ya a du wɔ;O ngɔ tlomi nɛ jiɔ kɛ fɔ wa nɔ.*
12 O ngmɛ nɔmlɔ adesa blɔ nɛ e ye wa* nɔ;Wa gu la kɛ nyu mi;Lɔ ɔ se ɔ, o ngɔ wɔ kɛ ba he nɛ he jɔmi ngɛ.
13 Ma ngɔ sami afɔlehi kɛ ba o we ɔ;Ma ye kitahi nɛ i kã mo ɔ nɔ,
14 Níhi nɛ i kɛ ye nya wo siNɛ́ i kɛ ye nya de benɛ i ngɛ haomi mi ɔ.
15 Ma ngɔ lohwehi nɛ a wo zɔ kɛ sã sami afɔlehi ha mo;Ma ngɔ agbosuhi kɛ sã afɔle ha mo.
Ma ngɔ na kuhi kɛ akpakpohi kɛ sã afɔle. (Sela)
16 Nyɛ nihi tsuo nɛ nyɛ yeɔ Mawu gbeye, nyɛ ba bu tueNɛ́ ma de nyɛ nɔ́ nɛ e pee ha mi.*
17 I kɛ ye nya tsɛ lɛ,Nɛ i kɛ ye lilɛ wo e hɛ mi nyami.
18 Kaa i ngɔ nɔ́ yaya ko kɛ to ngɛ ye tsui mi ɔ,Jinɛ Yehowa ko bui mi tue.
19 Se Mawu nu;E bu ye sɔlemi ɔ tue.
20 Á je Mawu, nɔ nɛ e tsi we e tue kɛ wui ye sɔlemi ɔ,Nɛ́ e je we e suɔmi nɛ se pui ɔ hu ngɛ ye nɔ ɔ yi.
Sisi Ningmahi
^ Aloo “Nyɛɛ fia la.”
^ Aloo “wa klaa.”
^ Aloo “nɛ waa dede.”
^ Ngɛ Hebri gbi mi ɔ, “kɛ wo wa mlɛ mi.”
^ Ngɛ Hebri gbi mi ɔ, “e nyɛɛ wa yi.”
^ Aloo “ha ye klaa.”
