La 80:1-19
Kɛ ha la nɔ hyɛlɔ ɔ; a kɛ fɔ̃ “Lili* Mɔmɔ Ɔmɛ.” Kaimi nɔ́. La nɛ Asaf po.
80 Oo To Hyɛlɔ nɛ hyɛɛ Israel nɔ, bu tue,Mo nɛ o kudɔɔ Yosef kaa to kuu.
Mo nɛ o hii si ngɛ matsɛ sɛ nɔ ngɛ kerubhi a yi nɔ,*Mo kpɛ.*
2 Mo je o he wami ɔ kpoNgɛ Efraim kɛ Benyamin kɛ Manase a hɛ mi;Mo ba he wa yi wami.
3 Oo Mawu, moo kpale wɔ kɛ ba;Ha nɛ o hɛ mi nɛ kpɛ ngɛ wa nɔ konɛ wa yi nɛ ná wami.
4 Yehowa Mawu tabohiatsɛ, kɛ yaa si mɛni be nɛ o we bi ɔmɛ a sɔlemi maa wo o mi mi la?
5 O ha nɛ ya fomi pee a niye ní,Nɛ o ha nɛ vonyu pee nyu nɛ a nuɔ.
6 O ha nɛ mahi nɛ a bɔle wɔ ɔ plee wa zugba a he;Wa he nyɛli ɔmɛ ya nɔ nɛ a ye wa he fɛu bɔ nɛ a suɔ.
7 Oo Mawu tabohiatsɛ, moo kpale wɔ kɛ ba;Ha nɛ o hɛ mi nɛ kpɛ ngɛ wa nɔ konɛ wa yi nɛ ná wami.
8 O hia wai tso kɛ je Egipt.
O fiee je ma amɛ, nɛ o ma wai tso ɔ.
9 O dla zugba a nɔ he ko kɛ ha lɛ,Nɛ e ná sipoku, nɛ e kpe zugba a nɔ.
10 E hɔ̃ ɔ ha yoku ɔmɛ a nɔ,Nɛ e kɔni ɔmɛ ha Mawu seda tso ɔmɛ a nɔ.
11 E kɔni ɔmɛ ya su wo ɔ nɔ tɔɔ,Nɛ kɔnihi nɛ e tsɛ̃ ɔ ya su Pa* a nɔ.
12 Mɛni he je nɛ o ku wai ngmɔ ɔ he tɛ gbogbo ɔmɛ kɛ pue si,Nɛ nihi tsuo nɛ a bee ɔ tsɔɔ e yiblii ɔ?
13 Hue tso mi patafohi* kpataa hɛ mi,Nɛ nga mi lohwehi yeɔ.
14 Oo Mawu tabohiatsɛ, wa kpa mo pɛɛ nɛ o kpale kɛ ba.
Moo ma o yi si kɛ je hiɔwe nɛ o hyɛ!
Moo hyɛ wai tso nɛ ɔ nɔ,
15 Tso* nɛ o hiɔ nine ma a,Nɛ́ o hyɛ tso kɔni* nɛ o ha nɛ e he wa ha mo nitsɛ ɔ.
16 A kɛ la sã lɛ, a po kɛ fɔ si.
O hɛ mi kami ɔ ha nɛ a hɛ mi kpata.
17 O nine nɛ́ ye bua nyumu ɔ nɛ ngɛ o hiɔ nɔ ɔ,Nɔmlɔ bi ɔ nɛ o ha nɛ e he wa kɛ ha mo nitsɛ o he ɔ.
18 Kɛkɛ ɔ, wa be kpalee kɛ je o he.
Moo baa wa yi konɛ wa nyɛ nɛ wa tsɛ o biɛ ɔ.
19 Oo Yehowa Mawu tabohiatsɛ, moo kpale wɔ kɛ ba;Ha nɛ o hɛ mi nɛ kpɛ ngɛ wa nɔ konɛ wa yi nɛ ná wami.
Sisi Ningmahi
^ Aloo “Tɔngɔtofoe.”
^ Baiblo komɛ de ke “a kpɛti.”
^ Aloo “Mo ha nɛ o kpɛmi ɔ nɛ je kpo.”
^ Nɛ ji Yufrate Pa a.
^ Nɛ ji nga mi kpotoohi.
^ Aloo “Wai tso ɔ nitsɛ.”
^ Aloo “bi.”
