La 85:1-13
Kɛ ha la nɔ hyɛlɔ ɔ. La nɛ Kora binyumu ɔmɛ po.
85 Oo Yehowa, o na o zugba a mɔbɔ;O ngɔ Yakob we bi nɛ a ngɔ mɛ nyɔguɛ ɔ kɛ kpale ba.
2 O ngɔ o we bi ɔmɛ a tɔmi kɛ ke mɛ;O ngɔ a yayami ɔmɛ tsuo kɛ ke mɛ.* (Sela)
3 O tsi o we abofu ɔ tsuo nya;O ha nɛ o mi mi la nɛ nya wa a se po.
4 Oo wa yi wami hemi Mawu, moo kpale wɔ kɛ ba,*Nɛ́ o ngmɛɛ wa he abofu nɛ o ná a he.
5 Anɛ o mi mi ma fu wɔ kɛ ya neneene lo?
Anɛ o we abofu ɔ ma tsa nɔ yi nɔhi tsuo lo?
6 Anɛ o be hae nɛ waa kpale ná he wami ekohuKonɛ o we bi ɔmɛ nɛ a nya ngɛ o mi lo?
7 Oo Yehowa, mo je o suɔmi nɛ se pui ɔ kpo kɛ tsɔɔ wɔ,Nɛ́ o ngɔ o yi wami hemi ɔ kɛ dloo wɔ.
8 Ma bu nɔ́ nɛ Yehowa, anɔkuale Mawu ɔ ma de ɔ tue,Ejakaa e maa tu tue mi jɔmi munyu kɛ tsɔɔ e we bi ɔmɛ, kɛ tsɔɔ nihi nɛ yeɔ lɛ anɔkuale ɔ,Se ko ha nɛ a he a he nɛ a ye tsɔ hu.
9 Niinɛ e ma he nihi nɛ a yeɔ lɛ gbeye ɔ a yi wami kokooko,Konɛ e hɛ mi nyami ɔ nɛ hi wa zugba a nɔ.
10 Suɔmi nɛ se pui kɛ anɔkuale yemi maa kpe;Dami kɛ tue mi jɔmi ma fĩɔ a sibi a nya he.
11 Anɔkuale yemi ma tsɛ̃ kɛ je zugba a nɔ,Nɛ Mawu dami maa je hiɔwe kɛ hyɛ zugba.
12 Ee, Yehowa ma ha wɔ nɔ́ nɛ hi,*Nɛ wa zugba a maa ba ní.
13 Dami maa nyɛɛ e hɛ mi,Nɛ e ma gba blɔ kɛ ha e nane mami he ɔmɛ.
Sisi Ningmahi
^ Ngɛ Hebri gbi mi ɔ, “O ha a yayami ɔmɛ tsuo a nɔ.”
^ Aloo “mo bua wa nya ekohu.”
^ Aloo “ma ha nɛ níhi a mi maa hi ha wɔ.”
