Lahi A Mi La 2:1-17
2 “Safron mɔmɔ nɛ ngɛ wo nya kɛkɛ ji mi,Lili mɔmɔ* ngɛ dɔgbahi a mi ji mi.”
2 “Bɔ nɛ lili mɔmɔ ngɛ ha ngɛ miohi a kpɛti ɔ,Jã nɛ ye suɔlɔ ɔ ngɛ ngɛ yihewi ɔmɛ a kpɛti.”
3 “Bɔ nɛ aplo tso ngɛ ngɛ hue tso mi tsohi a kpɛti ɔ,Jã nɛ ye suɔlɔ ɔ ngɛ ngɛ nihewi ɔmɛ a kpɛti.
I suɔ wawɛɛ kaa ma hi e hɔ ɔ mi,Nɛ e yiblii ɔ ngɔɔ ha mi.
4 E ngɔ mi kɛ ba we nɛ a ngmɛ okplɔɔ ngɛ mi ɔ mi,*Nɛ e we aflangaa nɛ ngɛ ye nɔ ji suɔmi.
5 Ngɔɔ wai yiblii gbigbli keekihi kɛ jɔɔ ye tsui he;Ngɔɔ aplo kɛ baa ye yi,Ejakaa suɔmi wo mi hiɔ.
6 E muɔ nine ngɛ ye yi sisi,Nɛ e hiɔ nine fua mi.
7 Oo Yerusalem biyihi, nyɛ kã mi kita,Nyɛɛ ngɔ nga mi odabɔhi kɛ afugbɛhi kɛ kã mi kita:
Nyɛ ko bɔ mɔde kaa nyɛ ma tle suɔmi si ngɛ ye mi aloo nyɛ maa tsɛ̃ɛ lɛ kɛ ya si be nɛ lɛ nitsɛ e maa te si.
8 I nu ye suɔlɔ ɔ he!
Hyɛ! Lɛ nɛ e ma a nɛ,E ngɛ yoku ɔmɛ kuɔe, e ngɛ kpongu ɔmɛ tuue.
9 Ye suɔlɔ ɔ ngɛ kaa odabɔ, e ngɛ kaa afugbɛ wayoo.
Lɛ ji nɛ ɔ nɛ, e daa si ngɛ wa gbogbo ɔ se,E ngɛ saflɛ ɔmɛ a mi hyɛe totooto,E ngɛ saflɛ puɔ ɔmɛ a mi hyɛe.
10 Ye suɔlɔ ɔ ngɛ munyu tue, e ngɛ mi dee ke:
‘Ye suɔlɔ, tee si,Ye afɛu yo, ba nɛ waa ho.
11 Hyɛ! Fĩɛ* be ɔ be.
Hiɔmi kpa nɛmi; hiɔmi se po.
12 Mɔmɔhi gba ngɛ zugba a nɔ,Níhi a he suami* be su,Nɛ a ngɛ lahuɛ pɛmi he nue ngɛ wa zugba a nɔ.
13 Fig tso ɔ kekleekle yiblii ɔ fu;Wai tso ɔmɛ gba mɔmɔ nɛ a ngɛ via jee.
Ye suɔlɔ, tee si nɛ o ba.
Ye afɛu yo, ba nɛ waa ho.
14 Oo ye beleku lahuɛ, mo nɛ o ngɛ tɛ puɔhi a mi ngɛ tɛsa amɛ a he,Ngɛ puɔhi nɛ a ngɛ kɔ̃ ɔ he ɔ mi,Ha nɛ ma na mo, nɛ ma nu o gbi,Ejakaa o gbi ngɔɔ, nɛ o he ngɛ fɛu.’”
15 “Nyɛɛ nuu kɔkɔbo ɔmɛ ha wɔ,Kɔkɔbo tsɔwi ɔmɛ nɛ a puɛɔ wai ngmɔ ɔmɛ ɔ,Ejakaa wa wai ngmɔ ɔmɛ gba mɔmɔ.”
16 “Ye nɔ́ ji ye suɔlɔ ɔ, nɛ lɛ hu e nɔ́ ji mi.
E ngɛ e to ɔmɛ a nɔ hyɛe ngɛ lili mɔmɔ ɔmɛ a kpɛti.
17 Oo ye suɔlɔ, moo kpale kɛ ba esɔKaa odabɔ aloo afugbɛ wayoo ngɛ yokuhi nɛ po wa kpɛti ɔ* a nɔ.Loko kɔɔhiɔ yluduu nɛ fia ngɛ ligbi ɔ mi* nɛ́ nini ɔmɛ nɛ a laa.
Sisi Ningmahi
^ Aloo “tɔngɔtofoe.”
^ Ngɛ Hebri gbi mi ɔ, “E ngɔ mi kɛ ba wai we mi.”
^ Aloo “Hiɔmi nɛmi.”
^ Aloo “poomi.”
^ Baiblo komɛ de ke, “yokuhi nɛ a mi gba.” Aloo “Beter yoku ɔmɛ.”
^ Ngɛ Hebri gbi mi ɔ, “Loko ligbi ɔ nɛ mu.”
