Daa jeha a, waa kɛ bua jɔmi hyɛɛ mumi mi niye ní nɛ wa nine suɔ nɔ ngɛ kpokpa nɔ kpehi a sisi ɔ blɔ. Wa maa fɔ nihi babauu nine kɛ ya kpe ɔ konɛ mɛ hu a na kaa Yehowa hi. (La 34:8) E sa kaa nikɔtɔmahi a kuu ɔ nɛ susu bɔ nɛ fiɛɛli maa pee ha kɛ gba nine fɔmi womi ɔ tsuo ɔ he.

• Mɛni be nɛ wa maa ya wa kpe ɔ?

• Mɛni be nɛ wa maa je nine fɔmi womi ɔ gbami sisi ngɛ wa zugba kpɔ ɔ mi?

• Mɛni be nɛ a to kaa wa maa kpe kɛ ya fiɛɛmi?

• Mɛni otihi nɛ i kɛ ma ye hɛ mi ngɛ nine fɔmi womi nɛ wa ma gba a he?

• Mɛnɔmɛ nɛ i to kaa ma fɔ mɛ nine?

Ke o nga wetsɛ ɔ ta a, o ma nyɛ ma de lɛ ke:

“Wa ngɛ nihi tsuo ngɛ je kɛ wɛ ɔ nine fɔe kɛ ya kpe ko nɛ he hia sisi. A ngma ligbi, be, kɛ he nɛ a maa pee kpe ɔ ngɛ ɔ ngɛ nine fɔmi womi ɔ nɔ. Wa bua maa jɔɔ ka o maa ba eko.”

E ngɛ mi kaa wa suɔ kaa wa maa fɔ nihi babauu nine kɛ ya kpe ɔ mohu lɛɛ, se e sa nɛ waa to nihi nɛ a bua maa jɔ munyu ɔ he ɔ a he hɛ konɛ waa ye bua mɛ.

Ke wa ngɛ womi ɔ gbae ngɛ Hɔ kɛ Hɔgba nɔ ɔ, wa ma nyɛ maa ngɔ womi tɛtlɛɛ ɔmɛ kɛ piɛɛ nine fɔmi womi ɔ he kɛ ha.