Kɛ je January 2016 ɔ, a kɛ munyu nɛ ji “Mɛni Baiblo ɔ De?” ɔ bɔni Hwɔɔmi Mɔ ɔ se mi womi. A to blɔ nya ehe nɛ ɔ konɛ e ye bua wɔ nɛ waa da Baiblo mi munyu ko nɔ nɛ waa kɛ nihi nɛ je ní sɛɛmi sisi. A pee lɛ kaa bɔ nɛ a pee wa dɛ womi ɔmɛ ɔ. A bi sane, nɛ a da Ngmami ɔ nɔ kɛ ha heto, nɛ a tsɔɔ ní kpahi nɛ o kɛ wetsɛ ɔ ma nyɛ ma susu he.

Behi fuu ɔ, ke wa da Baiblo mi munyu ko nɔ nɛ waa kɛ wetsɛmɛ sɛɛ ní ɔ, wa nyɛɛ nɛ waa kɛ mɛ jeɔ Baiblo mi ní kasemi sisi. Moo gu blɔ ehe nɛ ɔ nɔ kɛ ye bua nihi nɛ mumi mi hwɔ ngɛ mɛ yee ɔ konɛ a ba le anɔkuale ɔ.—Mat 5:6.

1. Mo bi wetsɛ ɔ e juɛmi ngɛ sane bimi ɔ kake he

2. Bu lɛ tue nɛ o je e yi ngɛ heto nɛ e ma ha a he

3. Kane ngmami nɛ ngɛ munyuyi nɛ ji “Mɛni Baiblo ɔ De” sisi ɔ, nɛ o bi wetsɛ ɔ nɔ́ nɛ e susu ngɛ he. Ke e ngɛ be ɔ, nyɛ ma nyɛ ma susu munyuyi nɛ ji “Nɔ́ Kpa Nɛ Wa Kaseɔ Ngɛ Baiblo ɔ Mi” ɔ he

4. Mo ha lɛ womi ɔ

5. O kɛ lɛ nɛ to blɔ nya nɛ o kpale ya slaa lɛ konɛ nyɛ susu sane bimi enyɔne ɔ he