JUETLI NƐ NGƐ MAWU MUNYU Ɔ MI | 1 KORINTO BI 14-16
Mawu Ma Plɛ “Níhi Tsuo Kɛ Ha Nɔ Fɛɛ Nɔ”
Nihi nɛ a yeɔ Yehowa anɔkuale ɔ ma ná bua jɔmi nitsɛnitsɛ hwɔɔ se. Ke waa kɛ bua jɔmi kɛ gɛjɛmi tuɔ wa hɛ kɛ nɔ fɔmi ɔ he munyu kɛ tsɔɔ nihi ɔ, e haa nɛ hɛ kɛ nɔ fɔmi nɛ wa ngɛ ɔ mi waa. Bɔfo Paulo wo nyɛmimɛ Kristofohi he wami konɛ a susu be nɛ Kristo Jeha Akpe Nɔ Yemi ɔ maa ba nyagbe nɛ Yehowa ma plɛ “níhi tsuo kɛ ha nɔ fɛɛ nɔ” ɔ he.
Jɔɔmihi nɛ maa ba hwɔɔ se ɔ a kpɛti te nɛɛ lɛ o bua jɔ he wawɛɛ, nɛ mɛni he je?
Mɛni ha nɛ o náa nɔ mi mami kaa Mawu si womi ɔmɛ maa ba mi?
