KRISTOFOHI A SI HIMI
Moo Di Tsɔsemi Nɛ Je Yehowa Ngɔ ɔ Se
NƆ HE JE NƐ E HE HIA: Yehowa nɛ e ji Tsɔɔlɔ Kpanaa haa wɔ tsɔsemi nɛ hi pe kulaa. E tsɔɔ wɔ nɔ́ nɛ waa pee konɛ wa si himi nɛ pee kpakpa nɛ e dlaa wɔ kɛ ha hwɔɔ se hulɔ, nɛ e hia we nɛ waa wo tsɔsemi nɛ ɔ he hiɔ. (Yes 11:6-9; 30:20, 21; Kpj 22:17) Tsɔsemi nɛ wa náa kɛ jeɔ Yehowa ngɔ ɔ dlaa wɔ konɛ waa fiɛɛ yi wami hemi sɛ gbi ɔ kɛ tsɔɔ ni kpahi.—2Ko 3:5.
BƆ NƐ O MAA PEE LƐ HA:
-
Moo ba o he si.—La 25:8, 9
-
Ngɔɔ o he kɛ wo tsɔsemi slɔɔtohi nɛ Yehowa kɛ ngɛ hae amlɔ nɛ ɔ mi. Kaa nɔ hyɛmi nɔ́ ɔ, ngɔɔ o he kɛ wo sukuu ní peemi ngɛ otsi ɔ mi kpe ɔ mi
-
Ngɔɔ mumi mi otihi kɛ ma o hɛ mi.—Flp 3:13
-
Ngɔɔ níhi kɛ sã afɔle konɛ o he nɛ su kɛ ha tsɔsemi kpahi.—Flp 3:8
NYƐƐ HYƐ VIDEO NƐ JI YEHOWA TSƆSEMI HA NƐ WA NÁ JƆƆMI BABAUU, LƆ Ɔ SE Ɔ, NYƐ HA SANE BIMI NƐ NYƐƐ SE ƆMƐ A HETO:
-
Mɛni blɔ tsimi níhi nɛ fiɛɛli komɛ tsu a he ní bɔ nɛ pee nɛ a nyɛ nɛ a ya Sukuu Kɛ Ha Matsɛ Yemi Sane Kpakpa Fiɛɛli ɔ?
-
Mɛni tsɔsemi nɛ nihi nɛ a yaa Sukuu Kɛ Ha Matsɛ Yemi Sane Kpakpa Fiɛɛli ɔ náa?
-
Kɛ asafo mi bi ɔmɛ ye bua nihi nɛ a gbe sukuu ɔ nya a ha kɛɛ konɛ a nyɛ nɛ a tsu ní tsumi ehe nɛ a kɛ wo a dɛ ɔ?
-
Ke nɔ ko suɔ nɛ e ya Sukuu Kɛ Ha Matsɛ Yemi Sane Kpakpa Fiɛɛli ɔ, mɛni hlami níhi nɛ e sa kaa e su a he? (kr 189)
-
Mɛni tsɔsemi kpahi nɛ o ma nyɛ maa di se ngɛ Yehowa asafo ɔ mi?