KRISTOFOHI A SI HIMI
Mo Kai Lɔt Yo ɔ
Mɛni he je nɛ Lɔt yo ɔ plɛ kɛ hyɛ e se benɛ e je Sodom ɔ? Baiblo ɔ tsɔɔ we nɔ́ he je. (1Mo 19:17, 26) Kɔkɔ bɔmi nɛ Yesu kɛ ha ngɛ munyu nɛ ɔ mi ɔ tsɔɔ kaa eko ɔ, Lɔt yo ɔ hɛ ja ngɛ níhi nɛ e si ngɛ e se ɔ he. (Luk 17:31, 32) Mɛni wa ma nyɛ maa pee konɛ Mawu hɛ mi dloomi nɛ wa ná a ko bɔ wɔ kaa bɔ nɛ e bɔ Lɔt yo ɔ? E sɛ nɛ waa ngɔ he lo nya níhi a se dimi kɛ pee oti ngɛ wa si himi mi. (Mat 6:33) Yesu tsɔɔ kaa wa “be nyɛe maa pee nyɔguɛhi kɛ ha Mawu, kɛ Ní Nami.” (Mat 6:24) Se ke wa yɔse kaa he lo nya níhi ha we nɛ wa ná be kɛ ha Mawu jami mi ní peemihi hu nɛɛ? Wa ma nyɛ maa sɔle kɛ ha Yehowa konɛ e ha wɔ nile nɛ wa kɛ yɔse hehi nɛ e sa nɛ waa pee tsakemihi ngɛ. Wa ma nyɛ ma bi lɛ nɛ e ha wɔ kã nɛ wa kɛ pee jã.
O KAI VIDEO NƐ JI MO KAI LƆT YO Ɔ LO? MO HA SANE BIMI NƐ ƆMƐ A HETO:
-
Kɛ ma ngɔ ye ní peepee kɛ tsɔɔ kaa i ‘kaiɔ Lɔt yo ɔ’ ha kɛɛ?
Kɛ nɔ nyɛmi nɛ Gloria kɛ kpe kaa e di sika fuu se ɔ ná e susumi, e munyu tumi, kɛ e ní peepee nɔ he wami ha kɛɛ?
-
Mɛni blɔ nɔ nɛ Lɔt yo ɔ nɔ hyɛmi nɔ́ ɔ peeɔ kɔkɔ bɔmi kɛ haa wɔ mwɔnɛ ɔ?
-
Mɛni blɔ nɔ Baiblo sisi tomi mlaahi nɛ Joe kɛ e weku ɔ kɛ tsu ní ɔ ye bua mɛ?
-
Kɛ nihi nɛ Anna kɛ bɔ ngɛ ní tsumi he ɔ ná huɛ bɔmi nɛ ngɛ e kɛ Mawu kpɛti ɔ nɔ he wami ha kɛɛ?
-
Mɛni he je nɛ ke waa kɛ nɔ nyɛmi kpe kaa waa di sika babauu se ɔ, e ma bi nɛ wa ná kã a?
-
Mɛni Brian kɛ Gloria pee loko a kpale ngɔ Mawu jami kɛ pee nɔ́ titli ngɛ a si himi mi?
-
Mɛni Baiblo sisi tomi mlaahi nɛ o yɔse kaa a kɛ tsu ní ngɛ video nɛ ɔ mi?
