Mɛni he je nɛ e sa nɛ waa kɛ nihi nɛ a suɔ Yehowa nɛ bɔ ɔ? Nihi nɛ waa kɛ bɔɔ ɔ ma nyɛ ma ná wa nɔ he wami. (Abɛ 13:20) Kaa nɔ hyɛmi nɔ́ ɔ, Matsɛ Yoash kɛ Osɔfo Nɔkɔtɔma Yehoyada bɔ wawɛɛ, nɛ lɔ ɔ ha nɛ e ‘pee Yehowa suɔmi nya ní.’ (2Kron 24:2) Se ngɛ Yehoyada gbenɔ se ɔ, Yoash kɛ huɛ yayamihi bɔ nɛ lɔ ɔ ha nɛ e kua Yehowa.​—2Kron 24:17-19.

Ngɛ kekleekle jeha lafa a mi ɔ, bɔfo Paulo kɛ Kristofohi asafo ɔ to “we ngua” ko he, nɛ e kɛ nihi nɛ a ngɛ asafo ɔ mi ɔ hu to “níhi” nɛ ngɛ we ngua a mi ɔ he. Ke waa kɛ wa weku li aloo nihi nɛ a ngɛ asafo ɔ mi se a pee we Yehowa suɔmi nya ní ɔ bɔɛ ɔ, lɛɛ wa maa ya nɔ maa pee ‘níhi nɛ a kɛ tsuɔ níhi nɛ a hɛ mi ngɛ nyami.’ (2Ti 2:20, 21) Lɔ ɔ he ɔ, nyɛ ha waa ya nɔ nɛ waa kɛ nihi nɛ a suɔ Yehowa nɛ a woɔ wɔ he wami kaa wa sɔmɔ lɛ ɔ nɛ bɔ.

NYƐƐ HYƐ VIDEO NƐ JI O KƐ HUƐ YAYAHI KO BƆ, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• Ngɛ mɛni blɔhi a nɔ nɛ eko ɔ waa kɛ huɛ yayahi maa bɔ nɛ wa be lee?

• Ngɛ video ɔ mi ɔ, mɛni ye bua Kristofohi etɛ ɔmɛ nɛ a kpa huɛ yayami bɔmi?

• Mɛni Baiblo sisi tomi mlaahi ma nyɛ maa ye bua mo konɛ o kɛ nile nɛ hla huɛmɛ?