Benɛ a wo Paulo kɛ Silas tsu ɔ, a la kɛ je Yehowa yi. (Nít 16:25) Atsinyɛ jemi ko be he kaa lami nɛ a la a wo mɛ he wami nɛ a fĩ si. Wɔ hu nɛɛ? Lahi nɛ wa laa ngɛ asafo mi kpehi kɛ la kpahi nɛ wa ngɛ ɔ ma nyɛ maa wo wɔ he wami konɛ waa ya nɔ nɛ waa ye anɔkuale ke waa kɛ kahi ngɛ kpee. Nɔ́ nɛ pe kulaa a, la nɛ ɔmɛ woɔ Yehowa hɛ mi nyami. (La 28:7) A wo wɔ he wami kaa waa kase la a ekomɛ a mi munyu ɔmɛ kɛ wo wa yi mi. Anɛ o bɔ mɔde kaa o maa pee jã lo? Ke wa ngɛ weku Mawu jami pee ɔ, wa ma nyɛ ma la la amɛ konɛ wa kɛ kase a mi munyu ɔmɛ.

NYƐƐ HYƐ VIDEO NƐ JI JOKUƐWI LAA KƐ JEƆ YEHOWA YI, LƆ Ɔ SE Ɔ, NYƐ HA SANE BIMI NƐ ƆMƐ A HETO:

• Kɛ Matsɛ Yemi lahi nɛ wa laa a náa wa nɔ he wami ha kɛɛ?

• Mɛni Audio/Video Department bi ɔmɛ peeɔ kɛ dlaa a he loko a nuɔ la kɛ fɔɔ klama nɔ?

• Mɛni jokuɛwi kɛ a weku li peeɔ kɛ dlaa a he loko a ya laa ngɛ studio ɔ?

• Matsɛ Yemi la amɛ te nɛɛ lɛ o bua jɔ he wawɛɛ, nɛ mɛni he je?