JUETLI NƐ NGƐ MAWU MUNYU Ɔ MI | YESAYA 52-57
Kristo Ba Na Nɔ́ Ngɛ Wa He
‘Nihi gbe e he guɛ, nɛ a kua lɛ. Se wɔɔ lɛɛ wa susu kaa Mawu lɛ ngɔ ní nɛ ɔmɛ tsuo kɛ ngɛ e tue gblae’
53:3-5
-
Nihi gbe Yesu he guɛ, nɛ a tsɔɔ kaa e bɔ musu. Ni komɛ susu kaa Mawu ngɛ e tue gblae. Ngɛ a susumi nya a, e ngɛ kaa nɔ́ nɛ Mawu ha nɛ hiɔ yaya ko fia lɛ
‘E sa Yehowa hɛ mi kaa a fiaa lɛ ní, nɛ Yehowa maa gu e nɔ kɛ ye manye’
53:10
-
E ngɛ heii kaa benɛ Yehowa na kaa a gbe e Bi ɔ, e ye lɛ wawɛɛ. Se Yehowa bua jɔ kaa Yesu ye anɔkuale kɛ pi si. Satan tsɔɔ kaa Mawu sɔmɔli be nyɛe maa ye Mawu anɔkuale daa. Se Yesu gbenɔ ɔ ha nɛ e pee heii kaa Satan munyu ɔ ji lakpa. Adesahi nɛ a tsake a tsui ɔ hu ngɛ Yesu gbenɔ ɔ he se náe. E gbenɔ ɔ tsu “Yehowa yi mi tomi” he ní
