KRISTOFOHI A SI HIMI
Moo Ye Bua O Bimɛ Konɛ A Ná Hemi Kɛ Yemi Ngɛ Bɔlɔ ɔ Mi
Adebɔ níhi jeɔ Yehowa we agboje ɔ kpo. (La 19:1-4; 139:14) Se Satan je ɔ tsɔɔ nihi kaa tsa pi Mawu nɛ bɔ níhi nɛ wami ngɛ a mi ɔ. Tsɔɔmihi kaa jã a gbeɔ Mawu he guɛ. (Rom 1:18-25) Mɛni o maa pee kɛ ye bua o bimɛ ɔmɛ konɛ tsɔɔmihi kaa jã nɛ ko puɛ a juɛmi? Moo ye bua mɛ kɛ je a jokuɛ mi konɛ a ná nɔ mi mami kaa Yehowa ngɛ nitsɛnitsɛ, nɛ e susuɔ a he wawɛɛ. (2Kor 10:4, 5; Efe 6:16) O kɛ o bimɛ ɔmɛ nɛ sɛɛ ní konɛ o le níhi nɛ a tsɔɔ mɛ ngɛ sukuu, kɛ a susumi ngɛ jamɛ a ní ɔmɛ a he. Ngɔɔ ní slɔɔtohi nɛ asafo ɔ pee ɔ kɛ ye bua mɛ konɛ Mawu Munyu ɔ nɛ sɛ a tsui mi.
NYƐƐ HYƐ VIDEO NƐ JI NƆ́ NƐ O JUAMI BI DE
Mɛni ni komɛ deɔ ngɛ nihi nɛ a heɔ Mawu yeɔ ɔ a he?
Mɛni a tsɔɔ nyɛ ngɛ nyɛ sukuu ɔ kɛ kɔ Mawu he?
Mɛni he je nɛ o ngɛ nɔ mi mami kaa Yehowa ngɛ ɔ?
Mɛni blɔ nɔ o maa gu kɛ ye bua nɔ ko konɛ e na kaa Mawu lɛ bɔ níhi tsuo?
Eko ɔ, O Bua Maa Jɔ Enɛ ɔ Hu He
NIHEWI KƐ YIHEWI BIƆ KE
Adebɔ Aloo Bilemi?—Fã 1: Mɛni He Je Nɛ E Sa Nɛ Ma He Ye Kaa Mawu Ngɛ?
Anɛ o maa suɔ nɛ o ná kã nɛ o kɛ tsɔɔ nɔ́ he je nɛ o heɔ yeɔ kaa Mawu ngɛ ɔ mi lo? Ke nɔ ko bi mo o hemi kɛ yemi ɔ he sane ɔ, hyɛ blɔ nɔ nɛ o maa gu kɛ ha lɛ heto.
