KRISTOFOHI A SI HIMI
Wa He Nɛ Maa Be Ngɛ Fiɛɛmi Ní Tsumi ɔ Mi—O Kɛ Baiblo Mi Ní Kaseli Nɛ A Yɛ A Hɛ Mi ɔ Nɛ Kpa Ní ɔ Kasemi
NƆ́ HE JE NƐ E HE HIA: E sa nɛ nihi nɛ a tsɛ Yehowa biɛ ɔ konɛ a he a yi wami. (Ro 10:13, 14) Se kɛ̃ ɔ, pi nihi tsuo nɛ a kplɛɛɔ kaa waa kɛ mɛ nɛ kase Baiblo ɔ nɛ a suɔ kaa a kɛ je mi bami he mlaahi nɛ Yehowa wo ɔ ma tsu ní. Waa kɛ wa be tsuɔ ní saminya ngɛ fiɛɛmi ní tsumi ɔ mi nɛ waa kɛ yeɔ buaa nihi nɛ a suɔ kaa a maa pee tsakemihi ngɛ a si himi mi ɔ konɛ a sa Yehowa hɛ mi. Ke be ngɛ mi puee nɛ Baiblo mi ní kaselɔ ko yɛ e hɛ mi ɔ, nile ngɛ mi kaa waa kɛ lɛ ma kpa ní ɔ kasemi konɛ waa ngɔ wa be ɔ kɛ ye bua nihi nɛ Yehowa ngɛ mɛ gblae kɛ ngɛ e we asafo ɔ mi bae ɔ. (Yo 6:44) Ngɛ anɔkuale mi ɔ, pee se ke nɔ ɔ pee tsakemihi nɛ tsɔɔ kaa e ji nɔ ko nɛ ‘ngɛ su kpakpa nɛ ma ha nɛ e ná neneene wami ɔ,’ waa kɛ lɛ tsaa Baiblo mi ní kasemi ɔ nɔ kɛ bua jɔmi.—Nít 13:48.
BƆ NƐ O MAA PEE LƐ HA:
-
Mo je ní kaselɔ ɔ yi kaa e suɔ nɛ e ná anɔkuale nile.—1Ti 2:4
-
Moo ma nɔ́ he je nɛ se nami ngɛ he kaa e kɛ níhi nɛ e kaseɔ ma tsu ní ɔ nɔ mi.—Luk 6:46-49
-
O kɛ lɛ nɛ susu Yesu nɔ́ he tomi nɔ́ nɛ kɔɔ ní dulɔ ɔ he ɔ he, nɛ o bi lɛ konɛ e susu nɔ́ nɛ ngɛ lɛ blɔ tsie loko e nyɛ we nɛ e ya e hɛ mi ɔ he.—Mat 13:18-23
-
O kɛ hɛ si kami nɛ tsu ní, nɛ o tsɔɔ lɛ nɔ́ he je nɛ nyɛ be ní ɔ kasee hu ɔ
-
Ha nɛ e le kaa o ma ba hi lɛ slaae be komɛ konɛ o wo lɛ he wami, nɛ ke e bɔni tsakemi peemi ɔ, nyɛ ma tsa ní kasemi ɔ nɔ
NYƐƐ HYƐ VIDEO Ɔ, NƐ LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:
-
Mɛni o na ngɛ ní sɛɛmi ɔ mi nɛ tsɔɔ kaa ní kaselɔ ɔ yɛ e hɛ mi ngɛ Mawu jami mi?
-
Mɛni blɔ nɔ fiɛɛlɔ ɔ gu kɛ ye bua ní kaselɔ ɔ nɛ e na nɔ́ he je nɛ e he hia kaa e pee tsakemihi ɔ?
-
Mɛni blɔ nɔ fiɛɛlɔ ɔ gu kɛ bli blɔ konɛ pee se ɔ, a nyɛ nɛ a tsa ní kasemi ɔ nɔ?