Womi Hami He Munyuhi
HWƆƆMI MƆ
Sane Bimi: Anɛ o susu kaa ke nɔ fɛɛ nɔ ngɔ sisi tomi mlaa nɛ ɔ kɛ tsu ní ɔ, je ɔ mi si himi maa pee kpakpa pe bɔ nɛ e ngɛ amlɔ nɛ ɔ lo?
Ngmami: Heb 13:18
Womi ɔ Hami: Baiblo ɔ tsɔɔ kaa e sa nɛ waa ye anɔkuale ngɛ nɔ́ tsuaa nɔ́ mi. Enɛ ɔ he ɔ, e sa nɛ waa ye anɔkuale ngɛ wa si himi mi. A tsɔɔ munyu nɛ ɔ mi ngɛ Hwɔɔmi Mɔ nɛ ɔ mi.
HWƆƆMI MƆ (se mi)
Sane Bimi: I suɔ nɛ ma le o juɛmi ngɛ sane bimi nɛ ɔ he. [Kane kekleekle sane bimi ɔ.] Ni komɛ he ye kaa ke nɔmlɔ gbo ɔ, e ya tsaa si himi nɔ ngɛ he ko, se ni komɛ hu susu kaa ke nɔmlɔ gbo ɔ, kɛkɛ e ta. Kɛ mo hu o susu kɛɛ?
Ngmami: Fiɛlɔ 9:5
Womi ɔ Hami: A tsɔɔ nɔ́ nɛ Baiblo ɔ de ngɛ sane nɛ ɔ he ɔ ngɛ womi tɛtlɛɛ nɛ ɔ mi. I kpa mo pɛɛ nɛ o kane konɛ pee se ke i ba a, wa susu he.
SANE KPAKPA NƐ JE MAWU NGƆ!
Womi ɔ Hami: I ba hiɛmɛ nɛ ɔ konɛ ma ba tsɔɔ mo bɔ nɛ waa kɛ nihi kaseɔ Baiblo ɔ ha nɛ wa he we nɔ́ ko. Womiyo nɛ ɔ tsɔɔ bɔ nɛ o ma plɛ kɛ ná sane bimihi nɛ a he hia amɛ a heto ngɛ mo nitsɛ o Baiblo ɔ mi.
Sane Bimi: Anɛ o kane Baiblo ɔ hyɛ lo? E kasemi yi kulaa, ha nɛ ma tsɔɔ mo bɔ nɛ a kase ɔ lɛ ha ngɛ womiyo nɛ ɔ mi. [Nyɛ susu sane bimi 1 nɛ ngɛ ní kasemi 2 mi ɔ he.]
Ngmami: Kpoj 4:11
DLA MO NITSƐ O FIƐƐMI MUNYU
Moo hyɛ nɔ́ nɛ a ngma a nɔ kɛ dla mo nitsɛ o fiɛɛmi munyu
