JUETLI NƐ NGƐ MAWU MUNYU Ɔ MI | YESAYA 34-37
Hezekia Pia We E He Kaa E Ngɔ E Hɛ Kɛ Fɔ Yehowa Nɔ
Asiria matsɛ Senakerib tsɔ Rabshake ɔ kɛ ho Yerusalem ya konɛ e ya de matsɛ Hezekia kaa e ngmɛɛ ma a he ha lɛ. Asiria bi ɔmɛ gu blɔ slɔɔtohi a nɔ kɛ tu munyuhi nɛ ma jɔ̃ Yuda bi ɔmɛ a kɔni mi. A pee jã konɛ Yuda bi ɔmɛ nɛ a ngɔ a he kɛ wo matsɛ Senakerib sisi, kɛkɛ ɔ, a kɛ mɛ be ta hwue.
-
Yemi kɛ bualɔ ko be. Egipt be nyɛe maa ye bua nyɛ.
—Yes 36:6 -
Munyuhi nɛ ma ha nɛ a yi mi maa pee mɛ enyɔɔnyɔ. Yehowa be nyɛ he piɛe ejakaa e mi mi fu nyɛ.
—Yes 36:7, 10 -
He gbeye womi munyu. Nyɛ be Asiria ta buli babauu ɔ nyɛe.
—Yes 36:8, 9 -
A tsɔ mɛ klama. Ke nyɛ ngɔ nyɛ he kɛ wo Asiria sisi ɔ, níhi a mi maa hi ha nyɛ.
—Yes 36:16, 17
Hezekia ngɔ e hɛ kɛ fɔ Yehowa nɔ kulaa
37:1, 2, 14-20, 36
-
E to níhi a he blɔ nya saminya konɛ ke Asiria bi ɔmɛ ba sa ma a yi ɔ, a he nɛ ko fĩ mɛ
-
E sɔle kɛ ha Yehowa kaa e kpɔ mɛ kɛ je Asiria bi ɔmɛ a dɛ mi. E wo ma bi ɔmɛ he wami konɛ a ngɔ a hɛ kɛ fɔ Yehowa nɔ
-
E pia we e he kaa e ngɔ e hɛ kɛ fɔ Yehowa nɔ. Yehowa tsɔ bɔfo kake nɛ e ya gbe Asiria ta buli 185,000 ngɛ nyɔ kake pɛ mi
