Anɛ o maa suɔ nɛ o tsu babauu ngɛ Yehowa sɔmɔmi mi ngɛ Kaimi be ɔ mi lo? (2Ko 5:14, 15) Ngɛ March kɛ April nyɔhiɔ ɔ mi ɔ, blɔ gbali a wali ma nyɛ maa ngɔ ngmlɛfia 30 aloo 50 kɛ tsu fiɛɛmi ní tsumi ɔ. Ke o ma nyɛ maa ngɔ o he kɛ wo he blɔ klɛdɛɛ nɛ ɔ mi ɔ, moo ngma blɔ bimi womi ɔ nɔ ní nɛ o kɛ ha o we Asafo Mi Sɔmɔmi Ajla Toli ɔmɛ. Daa nyɔhiɔ ɔ, a tsɛɛɔ nihi nɛ a kplɛɛ a nɔ kaa a sɔmɔ kaa blɔ gbali a wali ɔ a biɛ kɛ haa asafo ɔ. Enɛ ɔ ma bli blɔ ha nyɛmimɛ ɔmɛ tsuo ngɛ asafo ɔ mi ɔ konɛ a nyɛ nɛ a ye bua blɔ gbali ɔmɛ ngɛ fiɛɛmi ní tsumi ɔ mi. Nyɛ ha nɛ wɔ tsuo waa ngɔ he blɔ nɛ ɔ kɛ tsu ní saminya ngɛ Kaimi be ɔ mi konɛ lɔ ɔ nɛ ye bua wɔ nɛ wa fiɛɛmi ní tsumi ɔ nɛ nu tso, nɛ waa wo wa sibi he wami.​—1Tɛ 5:11.