Anɛ Yehowa le nɔ́ nɛ hi ha wɔ be fɛɛ be lo? Ee! Ke waa kɛ Yehowa blɔ tsɔɔmihi tsu ní ɔ, lɔ ɔ tsɔɔ kaa wa ngɛ juɛmi nɛ wa heɔ enɛ ɔ yeɔ. (Abɛ 16:3, 9) Se kɛ̃ ɔ, ke blɔ tsɔɔmihi nɛ Yehowa kɛ haa wɔ ɔ je ekpa ngɛ wa susumi he ɔ, e ma nyɛ maa ka hɛ kɛ nɔ fɔmi nɛ wa ngɛ ngɛ́ e blɔ tsɔɔmi ɔmɛ a mi ɔ. Ke wa pueɔ wa yi mi tɛ ngɛ adebɔ níhi a he ɔ, e ma ha nɛ hɛ kɛ nɔ fɔmi nɛ wa ngɛ ngɛ́ bɔ nɛ Yehowa juɛmi mi kuɔ ha a mi ɔ mi maa wa.​—Abɛ 30:24, 25; Ro 1:20.

NYƐƐ HYƐ VIDEO NƐ JI, ANƐ NƆ KO LƐ BƆ LO? MƐNI HAA NƐ KE TATUHI NGƐ NYƐƐE Ɔ, A TSI WE A SIBI BLƆ Ɔ? LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• Mɛni nɛ tatuhi fuu pɔɔ peemi daa ligbi?

• Mɛni nɛ tatuhi peeɔ konɛ a ko tsi a sibi blɔ ke a ngɛ nyɛɛe?

• Mɛni nɛ adesahi ma nyɛ maa kase ngɛ bɔ nɛ tatuhi nyɛɛɔ kɛ yaa he kpahi nɛ a tsi we a sibi blɔ ɔ mi?

NYƐƐ HYƐ VIDEO NƐ JI, ANƐ NƆ KO LƐ BƆ LO? NƆ́ NƐ YEƆ BUA HWO NƐ E NYƐƆ TEƆ PƐPƐƐPƐ Ɔ, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• Mɛni nyagbahi adesahi kɛ kpeɔ ke a ngɛ kɔɔhiɔ mi lɛhi nɛ a klee we hɛɛe?

• Kɛ hwo henɔ nɛ ɔ plɛɔ kɛ teɔ ha kɛɛ konɛ kɔɔhiɔ nɛ nya wa nɛ ko fia lɛ kɛ ya he kpa?

• Kɛ adesahi ma plɛ kɛ ná hwo henɔ nɛ ɔ nile nɛ he numi lɛ kudɔɔ lɛ ɔ he se ligbi ko ha kɛɛ?

Mɛni odase lɛ o naa ngɛ he nɛ o ngɛ ɔ nɛ tsɔɔ bɔ nɛ adebɔ níhi jeɔ bɔ nɛ Yehowa juɛmi mi kuɔ ha a kpo?