Yehowa naa mo kaa o he jua wa wawɛɛ. (Yes 43:4) E gbla mo kɛ ba e ngɔ, kɛ jehanɛ hu e we asafo ɔ mi. O he nɔ nɛ o jɔɔ nɛ o ha nɛ a baptisi mo ɔ ha nɛ o ba pee Yehowa nɔ́. Ngɛ behi nɛ a mi wa po mi ɔ, e maa hyɛ o nɔ kaa e weto ní nɛ he jua wa. E maa gu e we asafo ɔ nɔ kɛ je suɔmi nɛ se pui kpo kɛ tsɔɔ mo.​—La 25:10.

Ke wa susuɔ bɔ nɛ Yehowa asafo ɔ yeɔ bua ha ngɛ adebɔ mi oslaahi nɛ a ngɛ bae lingmi nɛ ɔ mi ɔ he ɔ, e ma nyɛ ma ha nɛ hɛsa nɛ wa ngɛ ngɛ bɔ nɛ Yehowa jeɔ suɔmi nɛ se pui kpo kɛ tsɔɔ wɔ ha a mi ɔ mi maa wa.

NYƐƐ HYƐ VIDEO NƐ JI, 2019 AMANIƐ BƆMI NƐ JE AJLA TOLI NƐ A TSUƆ SANEHI A HE NÍ Ɔ A NGƆ, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• Mɛni blɔ nɔ nɛ Ajla Toli Nɛ A Tsuɔ Sanehi A He Ní ɔ gu kɛ ye bua asafo ɔ ní tsumi kɔnihi ngɛ je kɛ wɛ ɔ konɛ a nyɛ nɛ a ye bua nyɛmimɛ ke oslaa ko ba?

• Mɛni blɔ nɔ nɛ Yehowa asafo ɔ gu nɛ e kɛ blɔ tsɔɔmi kɛ yemi kɛ buami ha nyɛmimɛ benɛ oslaa ko ba ngɛ Indonesia kɛ Nigeria a?

• Mɛni lɛ o bua jɔ he ngɛ blɔ nɔ nɛ Yehowa asafo ɔ gu kɛ ngɛ wɔ ye buae ngɛ COVID-19 be nɛ ɔ mi ɔ he?