Mawu Munyu ɔ ma nyɛ ma tsake wa si himi. (Heb 4:12) Se loko wa ma ná ga womi kɛ blɔ tsɔɔmi nɛ ngɛ mi ɔ he se ɔ, ja wa ná nɔ mi mami kaa e ji “Mawu munyu” niinɛ. (1Tɛ 2:13) Mɛni wa maa pee konɛ hemi kɛ yemi nɛ wa ngɛ ngɛ Baiblo ɔ mi ɔ mi nɛ wa?

Moo kane Baiblo ɔ fã ko daa ligbi. Ke o ngɛ kanee ɔ, mo hla odasehi nɛ maa nɔ mi kaa Yehowa ji Baiblo ɔ Ngmalɔ. Kaa nɔ hyɛmi nɔ́ ɔ, mo susu ga womi nɛ ngɛ Abɛ womi ɔ mi ɔ he, nɛ o hyɛ bɔ nɛ nile nɛ ngɛ mi ɔ maa ye bua wɔ mwɔnɛ ɔ ha.​—Abɛ 13:20; 14:30.

Moo to ní kasemi he blɔ nya. Moo kase nɛ o le odasehi nɛ maa nɔ mi kaa Mawu mumi mi nɛ a je kɛ ngma Baiblo ɔ. Moo ya Research Guide for Jehovah’s Witnesses, nɛ o hyɛ munyuyi nɛ ji “The Bible” lɔ ɔ se ɔ, moo hyɛ “Inspired by God.” O ma nyɛ maa kane munyuhi nɛ ngɛ Mi Tsɔɔmi Munyuhi A3 nɛ ngɛ New World Translation ɔ mi ɔ hulɔ konɛ e ha nɛ hemi kɛ yemi nɛ o ngɛ kaa sɛ gbi nɛ ngɛ Baiblo ɔ mi ɔ tsakee we ɔ mi nɛ wa.

NYƐƐ HYƐ VIDEO NƐ JI NƆ́ HE JE NƐ WA NGƐ HEMI KƐ YEMI . . . NGƐ MAWU MUNYU Ɔ MI, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• Mɛni blɔ nɔ níhi nɛ a na ngɛ sɔlemi we gbogbo ko he ngɛ Karnak ngɛ Egipt ɔ maa nɔ mi kaa munyuhi nɛ ngɛ Baiblo ɔ mi ɔ ji anɔkuale ɔ?

  textarea-1

• Kɛ wa plɛ kɛ le kaa sɛ gbi nɛ ngɛ Baiblo ɔ mi ɔ tsakee we kɛɛ?

  textarea-2

• Mɛni blɔ nɔ nɛ Baiblo ɔ nɛ a baa yi kɛ ba si mwɔnɛ ɔ maa nɔ mi kaa e ji Mawu Munyu niinɛ ɔ?—Kane Yesaya 40:8

  textarea-3