Ngɛ nyagbe ligbi nɛ ɔmɛ a mi ɔ, waa kɛ kahi nɛ a mi wa fuu ngɛ kpee. Be komɛ ɔ, wa ma nyɛ maa nu he kaa wa ka amɛ a nya wa tsɔ̃ nɛ wa be nyɛe maa da nya. Se ke wa ya nɔ nɛ wa hɛ wɔ kɛ su Yehowa he ɔ, e maa ye bua wɔ nɛ waa da kahi nɛ a mi wawɛɛ po nya. (Yes 43:2, 4) Mɛni blɔ nɔ wa maa gu kɛ hɛ wɔ kɛ su Yehowa he ke waa kɛ kahi ngɛ kpee?

Sɔlemi. Ke wa je wa tsui mi nɛ wa sɔle kɛ ha Yehowa a, e ma ha nɛ wa ma ná tue mi jɔmi, nɛ e maa wo wɔ he wami konɛ wa kɛ da ka a nya.​—Flp 4:6, 7; 1Tɛ 5:17.

Asafo mi kpehi. Mumi mi niye ní nɛ Yehowa kɛ haa wɔ kɛ wa nyɛmimɛ nɛ waa kɛ bɔɔ ngɛ Matsɛ Yemi Asa a nɔ ɔ he hia wɔ wawɛɛ nitsɛ. (Heb 10:24, 25) Ke wa dlaa wa he loko wa yaa asafo mi kpehi nɛ waa kɛ wa he woɔ mi ɔ, Yehowa ma ha wɔ e mumi ɔ nɛ wa ma ná he se wawɛɛ.​—Kpj 2:29.

Fiɛɛmi ní tsumi ɔ. Ke wa bɔ mɔde nɛ waa kɛ wa he wo fiɛɛmi ní tsumi ɔ mi ɔ, lɔ ɔ ma ha nɛ waa kɛ wa juɛmi maa ma ní kpakpahi a nɔ. Lɔ ɔ hu ma ha nɛ huɛ bɔmi nɛ ngɛ waa kɛ Yehowa kɛ wa nyɛmimɛ wa kpɛti ɔ mi maa wa.​—1Ko 3:5-10.

NYƐƐ HYƐ VIDEO NƐ JI, YEHOWA MAA HYƐ O NƆ, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• Mɛni nɛ ye bua Malu nɛ e hɛ kɛ su Yehowa he benɛ e kɛ kahi ngɛ kpee ɔ?

  textarea-1

• Kaa bɔ nɛ e ji ngɛ Malu blɔ fami ɔ, mɛni blɔ nɔ nɛ munyu nɛ ngɛ La 34:18 ɔ maa wo wa bua ngɛ ke waa kɛ kahi ngɛ kpee?

  textarea-2

• Mɛni blɔ nɔ nɛ Malu níhi a si kpami ɔ tsɔɔ kaa Yehowa haa wɔ “he wami nɛ pe adesahi a nɔ́ ɔ” ke waa kɛ kahi ngɛ kpee?​—2Ko 4:7

  textarea-3