January 15-21
HIOB 36-37
La 147 Kɛ Sɔlemi | Munyu Nɛ A Kɛ Ma Bli Kpe ɔ Nya (Hɛngm. 1)
1. Nɔ́ He Je Nɛ O Ma Nyɛ Ma He Mawu Siwo Kaa Wa Ma Ná Neneene Wami ɔ Ye
(Hɛngm. 10)
Yehowa nitsɛ ngɛ kɛ yaa neneene (Hio 36:26; w15 10/1 13 ¶1-2)
Yehowa ngɛ nile kɛ he wami nɛ e kɛ baa wami yi (Hio 36:27, 28; w20.05 22 ¶6)
Yehowa tsɔɔ wɔ nɔ́ nɛ e sa nɛ waa pee konɛ wa ná neneene wami (Hio 36:4, 22; Yo 17:3)
Hemi kɛ yemi nɛ mi wa nɛ wa ngɛ ngɛ si nɛ Mawu wo kaa e ma ha wɔ neneene wami ɔ yeɔ bua wɔ nɛ wa nyɛ daa si himihi nɛ a mi wa nɛ waa kɛ kpe ɔmɛ a nya.—Heb 6:19; w22.10 28 ¶16.
2. Ngmami ɔ Mi Junehi
(Hɛngm. 10)
-
Hio 36:26—Ke e he waa ha mo kaa o maa nu sisi kaa Yehowa ngɛ daa a, anɛ e sa nɛ lɔ ɔ nɛ hao mo lo? Moo tsɔɔ nya. (w22.12 2 ¶4)
-
Mɛni junehi o na ngɛ otsi nɛ ɔ Baiblo kanemi ɔ mi nɛ o suɔ kaa o maa tu he munyu?
3. Baiblo Kanemi
(Hɛngm. 4) Hio 36:1-21 (th ní kasemi 2)
4. Bɔ Nɛ O Maa Je Ní Sɛɛmi Sisi Ha
(Hɛngm. 3) MA NƆ ODASE YEMI. (lmd ní kasemi 3 oti 3)
5. Kpale Ya Slaa Nihi Nɛ A Bua Jɔ Munyu ɔ He
(Hɛngm. 4) WEHI A MI FIƐƐMI. (lmd ní kasemi 2 oti 5)
6. Moo Tsɔɔ Nihi Níhi Nɛ O Heɔ Yeɔ
( Hɛngm. 5) Munyu Tumi. ijwfq-E 57 ¶5-15—Munyuyi: Mɛni He Je Nɛ A Wa Yehowa Odasefo Ɔmɛ Yi Mi Benɛ A Ngɛ Yuda Bi Fuu Gbee ɔ? (th ní kasemi 18)
La 49
7. Mo Dla O He Kɛ To Kɛ Ha Hiɔ Tsami Blɔ Nya Tomi Aloo Ke A Maa Pee Mo Operation
(Hɛngm. 15) Ní Sɛɛmi. Asafo mi nɔkɔtɔma lɛ ma tsu he ní.
Yehowa asafo ɔ pee ga dadehi nɛ maa ye bua wɔ konɛ wa nyɛ nɛ waa ye Mawu mlaa nɛ kɔɔ muɔ he ɔ nɔ. (Nít 15:28, 29) Anɛ o kɛ ga dade nɛ ɔmɛ ngɛ ní tsue saminya lo?
Durable Power of Attorney (DPA) kaadi kɛ Identity Card (ic): Kaadi nɛ ɔmɛ tsɔɔ yi mi kpɔ nɛ hiɔtsɛ ɔ mwɔ ngɛ bɔ nɛ e kɛ muɔ ma tsu ní haa he. Nihi nɛ a baptisi mɛ ɔ ma nyɛ maa ngɔ DPA ɔ eko ngɛ womi nɔ hyɛlɔ ɔ dɛ, nɛ jehanɛ se hu, a ma nyɛ maa ngɔ Identity Card (ic) ɔ eko kɛ ha a bimɛ tsɔwihi. E sa nɛ kaadi nɛ ɔmɛ nɛ a hi wa he be fɛɛ be. Ke e he ba hia nɛ o ngma eko nɔ ní aloo o pee tsakemi ngɛ eko mi ɔ, moo pee jã oya nɔuu.
Information for Expectant Mothers (S-401) kɛ Information for Patients Requiring Surgery or Chemotherapy (S-407): Womi nɛ ɔmɛ yeɔ bua wɔ nɛ wa dlaa wa he kɛ toɔ kɛ ha hiɔ tsami blɔ nya tomi nɛ muɔ sane piɛɛ he. Ke o hɛɛ hɔ aloo a maa pee mo operation aloo o ná cancer nɛ dɔkitahi maa hyɛ mo ɔ, mo bi asafo mi nikɔtɔma amɛ konɛ a ha mo womi nɛ ɔmɛ a kpɛti nɔ́ nɛ maa ye bua mo.
Hiɔ Tsami He Kɛ Ní Sɛɛmi Ajla Toli: HLC bi ɔmɛ ji asafo mi nikɔtɔmahi nɛ a he sa nɛ a tsɔse mɛ saminya konɛ a ye bua dɔkitahi kɛ fiɛɛli ngɛ muɔ sanehi a he. A kɛ o dɔkita a ma nyɛ maa sɛɛ hiɔ tsami blɔ nɔ tomi slɔɔtohi nɛ a kɛ muɔ tsu we ní ngɛ mi ɔ he ní. Ke e he maa hia a, a ma nyɛ maa ye bua mo konɛ o na dɔkita kpa nɛ e kɛ muɔ be ní tsue ngɛ o blɔ fami. A tsuɔ ní be fɛɛ be ngɛ otsi ɔ mi. Mo tsɛ HLC bi ɔmɛ oya nɔuu ke e ma bi nɛ a tsi o nya ngɛ hiɔ tsa mi he aloo a pee mo operation aloo a kɛ mo nɛ wo klama mi kaa cancer hiɔ tsami blɔ nya tomi ke a kɛ muɔ be ní tsue po. Enɛ ɔ kɔɔ nihi nɛ a hɛɛ hɔ hu a he. Ke fiɛɛlɔ ko ngɛ yemi kɛ buami hlae kɛ je HLC bi ɔmɛ a ngɔ ɔ, fiɛɛlɔ ɔ nɛ ngɔ a tɛlifoo nɔma ngɛ asafo mi nɔkɔtɔma ko dɛ.
Je VIDEO nɛ ji, Hiɔ Tsami He Kɛ Ní Sɛɛmi Ajla Toli—Mɛni A Peeɔ Kɛ Yeɔ Bua Wɔ? Lɔ ɔ se ɔ, mo bi tue buli ɔmɛ ke:
Ke o kɛ si fɔfɔɛ ko nɛ e biɔ hiɔ tsami blɔ nya tomi aloo a maa pee mo operation ɔ ngɛ kpee ɔ, kɛ HLC bi ɔmɛ ma nyɛ maa ye bua mo ha kɛɛ?
8. Asafo Baiblo Mi Ní Kasemi
(Hɛngm. 30) bt yi 4 ¶9-12, daka nɛ ngɛ ba fa 34
