January 8-14
HIOB 34-35
La 30 Kɛ Sɔlemi | Munyu Nɛ A Kɛ Ma Bli Kpe ɔ Nya (Hɛngm. 1)
1. Ke Ní Yayamihi Ba Nimli Kpakpahi A Nɔ
(Hɛngm. 10)
Mo kai kaa dami sane nɛ a yi ɔ ji Yehowa kɔkɔɔkɔ (Hio 34:10; wp19.1 8 ¶2)
E ngɛ mi kaa yiwutsotsɛmɛ ye a he ngɛ yayamihi nɛ a ngɛ pee ɔ a he mohu lɛɛ, se Yehowa maa gbla a tue kokooko (Hio 34:21-26; w17.04 10 ¶5)
Blɔ nɛ hi pe kulaa nɛ o ma nyɛ maa gu nɔ kɛ ye bua nihi nɛ a yi mɛ dami sane ɔ ji kaa o maa tsɔɔ mɛ Yehowa he ní (Hio 35:9, 10; Mat 28:19, 20; w21.05 7 ¶19-20)
2. Ngmami ɔ Mi Junehi
(Hɛngm. 10)
Hio 35:7—Mɛni Elihu ngɛ tsɔɔe benɛ e bi Hiob ke: “Mɛni ji nɔ́ nɛ Mawu ma na ngɛ o dɛ” ɔ? (w17.04 29 ¶3)
Mɛni junehi o na ngɛ otsi nɛ ɔ Baiblo kanemi ɔ mi nɛ o suɔ kaa o maa tu he munyu?
3. Baiblo Kanemi
(Hɛngm. 4) Hio 35:1-16 (th ní kasemi 10)
4. Bɔ Nɛ O Maa Je Ní Sɛɛmi Sisi Ha
(Hɛngm. 3) WEHI A MI FIƐƐMI. Mo de wetsɛ ɔ kaa o suɔ nɛ o kɛ lɛ nɛ kase Baiblo ɔ. (lmd ní kasemi 10 oti 3)
5. Bɔ Nɛ O Maa Je Ní Sɛɛmi Sisi Ha
(Hɛngm. 4) ODASE NƐ A YEƆ BE MI NƐ A BE FIƐƐMI TSO MI. Moo tsɔɔ fɔlɔ ko nɛ e ngɛ bimɛ tsɔsee ɔ blɔ nɔ nɛ e maa gu kɛ na níhi nɛ maa ye bua lɛ kɛ tsɔse e bimɛ ɔmɛ ngɛ jw.org ɔ nɔ (lmd ní kasemi 1 oti 4)
6. Bɔ Nɛ O Maa Pee Nihi Kaseli Ha
(Hɛngm. 5) lff ní kasemi 13 oti 5 (lmd ní kasemi 11 oti 3)
La 58
7. Anɛ O Nuɔ He Kaa E Sa Nɛ O “Fiɛɛ Munyu ɔ” Be Mi Nɛ O Be Fiɛɛmi Tso Mi Lo?
(Hɛngm. 15) Ní Sɛɛmi.
Paulo wo Timoteo he wami ke: “Fiɛɛ munyu ɔ; hii fiɛɛe kɛ hɛdɔ.” (2Ti 4:2) A kɛ Hela peemimunyu nɛ a tsɔɔ sisi ke “hii fiɛɛe kɛ hɛdɔ” ɔ tsu ní ngɛ ta buli a ní tsumi mi kɛ tsɔɔ kaa ta bulɔ ko aloo bulɔ ko nɛ pee klaalo be fɛɛ be. Munyu nɛ ɔ tsɔɔ wa pɛɛ si nɛ wa fia kaa be fɛɛ be ɔ, wa pee klaalo kaa waa kɛ he blɔ saisaa nɛ wa ma ná a maa ye odase.
Suɔmi nɛ wa ngɛ kɛ ha Yehowa kɛ hɛsa nɛ wa ngɛ ngɛ níhi tsuo nɛ e peeɔ ha wɔ ɔ he ɔ woɔ wɔ he wami nɛ wa deɔ ni kpahi e su kpakpahi nɛ e ngɛ ɔmɛ.
Kane La 71:8. Lɔ ɔ se ɔ, mo bi tue buli ɔmɛ ke:
Mɛni su kpakpahi nɛ Yehowa ngɛ nɛ o suɔ kaa o ma de ni kpahi?
Suɔmi nɛ wa ngɛ kɛ ha ni kpahi ɔ hu woɔ wɔ he wami nɛ wa fiɛɛɔ ha mɛ be mi nɛ wa be fiɛɛmi tso mi.
Je VIDEO nɛ ji, Bɔ Nɛ Nihi Babauu Plɛ Kɛ Na Anɔkuale ɔ. Lɔ ɔ se ɔ, mo bi tue buli ɔmɛ ke:
Kɛ odase nɛ a yeɔ be mi nɛ a be fiɛɛmi tso mi ɔ ye bua nihi babauu nɛ a ba na Baiblo mi anɔkuale ɔ ha kɛɛ?
Kɛ nihi nɛ a ya sɔlemi be ko nɛ be ɔ ná anɔkuale ɔ nɛ a ba le ɔ he se ha kɛɛ?
Mɛni he je nɛ suɔmi nɛ wa ngɛ kɛ ha nihi ɔ woɔ wɔ he wami nɛ wa yeɔ mɛ odase be mi nɛ wa be fiɛɛmi tso mi?
Mɛni he je nɛ o susu kaa odase nɛ a yeɔ be mi nɛ a be fiɛɛmi tso mi ɔ ji blɔ nɛ hi saminya nɛ wa ma nyɛ maa gu nɔ kɛ ye bua nihi nɛ a ba le Yehowa?
8. Asafo Baiblo Mi Ní Kasemi
(Hɛngm. 30) bt yi 4 daka nɛ ngɛ ba fa 33
