February 24–March 2
ABƐ 2
La 35 Kɛ Sɔlemi | Munyu Nɛ A Kɛ Ma Bli Kpe ɔ Nya (Hɛngm. 1)
1. Mɛni He Je Nɛ E Sa Nɛ O Kɛ O Tsui Tsuo Nɛ Wo O Dɛ He Ní Kasemi Mi ɔ?
(Hɛngm. 10)
Konɛ o kɛ tsɔɔ kaa o bua jɔ anɔkuale ɔ he (Abɛ 2:3, 4; w22.08 18 ¶16)
Konɛ e ye bua mo nɛ o nyɛ nɛ o muɔ yi mi kpɔhi nɛ da (Abɛ 2:5-7; w22.10 19 ¶3-4)
Konɛ o kɛ wo o hemi kɛ yemi ɔ mi he wami (Abɛ 2:11, 12; w16.09 23 ¶2-3)
MO BI O HE KE, ‘Mɛni ma pee konɛ dɛ he ní kasemi nɛ i peeɔ daa a nɛ ya hɛ mi?’
2. Ngmami ɔ Mi Junehi
(Hɛngm. 10)
-
Abɛ 2:7—Mɛni blɔ nɔ nɛ Yehowa ji “tsɛ̃i kɛ ha nihi nɛ a nyɛɛɔ ngɛ anɔkuale yemi mi” ɔ? (mwbr25.01 bf. 10 kk. 1)
-
Mɛni junehi o na ngɛ otsi nɛ ɔ Baiblo kanemi ɔ mi nɛ o suɔ kaa o maa tu he munyu?
3. Baiblo Kanemi
(Hɛngm. 4) Abɛ 2:1-22 (th ní kasemi 12)
4. Bɔ Nɛ O Maa Je Ní Sɛɛmi Sisi Ha
(Hɛngm. 4) WEHI A MI FIƐƐMI. Tsɔɔ nɔ ko blɔ nɔ nɛ e maa gu kɛ na nɔ́ ko nɛ maa ye bua gba si himi he piɛɛli ngɛ jw.org ɔ nɔ. (lmd ní kasemi 1 oti 3)
5. Kpale Ya Slaa Nihi Nɛ A Bua Jɔ Munyu ɔ He
(Hɛngm. 3) ODASE NƐ A YEƆ BE MI NƐ A BE FIƐƐMI TSO MI. Ngɛ nyɛ ní sɛɛmi nɛ be ɔ mi ɔ, nɔ ɔ bua jɔ munyu nɛ nyɛ susu he ɔ he. Mo ha lɛ womi tɛtlɛɛ nɛ kɔɔ munyu nɛ nyɛ sɛɛ he ní ɔ he ɔ eko. (lmd ní kasemi 9 oti 3)
6. Munyu Tumi
(Hɛngm. 5) lmd mi tsɔɔmi munyu (A) oti 8—Munyuyi: E Sa Nɛ Huno Kɛ E Yo Nɛ A Ye A Sibi Anɔkuale. (th ní kasemi 13)
La 96
7. Anɛ O Suɔ Kaa O Ma Hlá Juetli Nɛ A Ngɔ Kɛ Laa a Lo?
(Hɛngm. 15) Ní Sɛɛmi.
Nihewi kɛ yihewi, anɛ nyɛ bua jɔɔ he kaa nyɛ ma hlá juetli ko nɛ a ngɔ kɛ laa a lo? Ke jã a, lɛɛ Baiblo ɔ ngɛ nyɛ he wami woe nɛ nyɛ hlá juetli nɛ he jua wa pe kulaa ngɛ je ɔ mi tsuo nɛ ji Mawu he nile ɔ! (Abɛ 2:4, 5) Kɛ gu Baiblo ɔ nɛ o maa to be kɛ kane daa ligbi kɛ níhi a mi hlami nɛ o maa pee ngɛ nɔ́ nɛ o kane ɔ he ɔ nɔ ɔ, o maa na juetli nɛ ɔ. Jã nɛ o maa pee ɔ ma ha nɛ o bua maa jɔ Baiblo ɔ kasemi he nɛ o ma ná he se!
-
Ke o ngɛ Baiblo ɔ kanee ɔ, mɛni sane komɛ o ma nyɛ ma bi o he? (w24.02 32 ¶2-3)
-
Mɛni ga dadehi nɛ o kɛ ma nyɛ ma hla o sane bimi ɔmɛ a heto?
Moo Kase Ní Kɛ Je Yehowa Huɛmɛ Ɔmɛ A Ngɔ video ɔmɛ maa ye bua mo konɛ o pue o yi mi tɛ ngɛ níhi nɛ o kaneɔ ngɛ Baiblo ɔ mi ɔ he.
Je VIDEO nɛ ji, Moo Kase Ní Kɛ Je Yehowa Huɛmɛ Ɔmɛ A Ngɔ—Habel.
Kane 1 Mose 4:2-4 kɛ Hebri Bi 11:4. Lɔ ɔ se ɔ, mo bi tue buli ɔmɛ ke:
-
Mɛni Habel pee kɛ tsɔɔ kaa e huɛ ji Yehowa?
-
Kɛ Habel plɛ kɛ wo hemi kɛ yemi nɛ e ngɛ ngɛ Yehowa mi ɔ mi he wami ha kɛɛ?
-
Mɛni o maa pee kɛ wo o hemi kɛ yemi ɔ mi he wami?
8. Asafo Baiblo Mi Ní Kasemi
(Hɛngm. 30) bt yi 23 ¶1-8 kɛ fã 8 nya blimi munyu
