January 6-12
LA 127-134
La 134 Kɛ Sɔlemi | Munyu Nɛ A Kɛ Ma Bli Kpe ɔ Nya (Hɛngm. 1)
1. Fɔli—Nyɛɛ Ya Nɔ Nɛ Nyɛɛ Hyɛ Nyɛ Weto Ní Nɛ He Jua Wa a Nɔ Saminya
(Hɛngm. 10)
Fɔli ma nyɛ ma ná nɔ mi mami ngɛ Yehowa mi kaa e maa ye bua mɛ konɛ a ha a weku mi bimɛ a hiami níhi (La 127:1, 2)
Bimɛ ji níke ní nɛ he jua wa nɛ je Yehowa ngɔ (La 127:3; w21.08 5 ¶9)
Moo da nɔ́ nɛ o bimɛ ɔmɛ a ti nɔ fɛɛ nɔ hia a nɔ kɛ tsɔse mɛ (La 127:4; w19.12 27 ¶20)
Yehowa bua jɔɔ wawɛɛ ke fɔli ngɔ a hɛ kɛ fɔ e nɔ nɛ a pee nɔ́ fɛɛ nɔ́ nɛ a ma nyɛ kɛ hyɛ a bimɛ ɔmɛ a nɔ
2. Ngmami ɔ Mi Junehi
(Hɛngm. 10)
-
La 128:3—Mɛni he je nɛ la polɔ ɔ ngɔ bimɛ kɛ to oliv tso nɛ tsɛ̃ he ɔ? (mwbr25.01 bf. 1 kk. 3)
-
Mɛni junehi o na ngɛ otsi nɛ ɔ Baiblo kanemi ɔ mi nɛ o suɔ kaa o maa tu he munyu?
3. Baiblo Kanemi
(Hɛngm. 4) La 132:1-18 (th ní kasemi 2)
4. Bɔ Nɛ O Maa Je Ní Sɛɛmi Sisi Ha
(Hɛngm. 3) ODASE NƐ A YEƆ BE MI NƐ A BE FIƐƐMI TSO MI. (lmd ní kasemi 1 oti 3)
5. Bɔ Nɛ O Maa Je Ní Sɛɛmi Sisi Ha
(Hɛngm. 4) ODASE NƐ A YEƆ BE MI NƐ A BE FIƐƐMI TSO MI. Nɔ ɔ tu nɔ́ ko nɛ e heɔ yeɔ nɛ e kɛ nɔ́ nɛ Baiblo ɔ tsɔɔ ɔ kɔ we ɔ he munyu. (lmd ní kasemi 5 oti 4)
6. Bɔ Nɛ O Maa Pee Nihi Kaseli Ha
(Hɛngm. 5) lff ní kasemi 16 oti 4-5. O kɛ o Baiblo kaselɔ ɔ nɛ susu blɔ nya nɛ o to konɛ nɔ ko kɛ lɛ nɛ tsa ní kasemi ɔ nɔ be mi nɛ o be ɔ he. (lmd ní kasemi 10 oti 4)
La 13
7. Fɔli—Anɛ Nyɛɛ Kɛ Ní Tsɔɔmi Nɔ́ Nɛ Se Be Nɛ ɔ Ngɛ Ní Tsue Lo?
(Hɛngm. 15) Ní Sɛɛmi.
Yehowa asafo ɔ pee womihi kɛ videohi fuu konɛ a kɛ ye bua fɔli nɛ́ a nyɛ nɛ a tsɔɔ a bimɛ ɔmɛ Yehowa he ní. Se kɛ̃ ɔ, nɔ hyɛmi nɔ́ kpakpa nɛ fɔli maa pee ɔ ji ní tsɔɔmi nɔ́ nɛ se be nɛ a ma nyɛ maa gu nɔ kɛ tsɔɔ a bimɛ ní.—5Mo 6:5-9.
Yesu ngɔ ní tsɔɔmi nɔ́ nɛ se be nɛ ɔ kɛ tsɔɔ e kaseli ɔmɛ ní.
Kane Yohane 13:13-15. Lɔ ɔ se ɔ, mo bi tue buli ɔmɛ ke:
-
Mɛni ha nɛ o susu kaa nɔ hyɛmi nɔ́ nɛ Yesu pee ɔ ji blɔ nɛ se be nɛ e gu nɔ kɛ tsɔɔ ní ɔ?
Kaa fɔlɔ ɔ, o ní peepee ma ha nɛ o bimɛ ɔmɛ maa na kaa níhi nɛ o ngɛ mɛ tsɔɔe ɔ he ngɛ se nami. Jehanɛ se hu ɔ, o nɔ hyɛmi nɔ́ kpakpa a ma ha nɛ o bimɛ ɔmɛ maa bu mo tue nɛ a kɛ níhi nɛ o tsɔɔ mɛ ɔ ma tsu ní.
Je VIDEO nɛ ji, Ngɔɔ O Nɔ Hyɛmi Nɔ́ Kɛ Tsɔɔ O Bimɛ Ní. Lɔ ɔ se ɔ, mo bi tue buli ɔmɛ ke:
-
Mɛni níhi nɛ́ a hia nɛ Nyɛminyumu kɛ Nyɛmiyo Garcia tsɔɔ a biyi ɔmɛ?
-
Kɛ video nɛ ɔ ye bua mo ha kɛɛ konɛ o ya nɔ nɛ o pee nɔ hyɛmi nɔ́ kpakpa kɛ ha o bimɛ ɔmɛ?
8. Asafo Baiblo Mi Ní Kasemi
(Hɛngm. 30) bt yi 20 ¶13-20
