Mɛni ní tsumi? Blɔ gbami ní tsumi ɔ! O ma ná jɔɔmihi babauu!—Abɛ 10:22.

• o maa pee sane kpakpa fiɛɛlɔ nɛ e he be, nɛ o bua ma jɔ fiɛɛmi ní tsumi ɔ he wawɛɛ

• huɛ bɔmi nɛ ngɛ o kɛ Yehowa nyɛ kpɛti ɔ mi maa wa. Ke o yaa nɔ nɛ o tuɔ Yehowa he munyu kɛ tsɔɔ nihi ɔ, o maa le e suhi nɛ ngɛ nyakpɛ ɔ

• o tsui maa nɔ o mi kaa o ngɔ Matsɛ Yemi ɔ kɛ pee nɔ́ titli ngɛ o si himi mi, nɛ o ma ná bua jɔmi kaa o ngɔ o he kɛ ha kaa o maa ye bua ni kpahi.—Mat 6:33; Níts 20:35

• o maa ya kpe nɛ kpɔmi nɔ hyɛlɔ kɛ blɔ gbali peeɔ ke e ba slaa nyɛ asafo ɔ, kɛ kpe klɛdɛɛ nɛ a peeɔ loko a peeɔ kpɔmi kpe ɔ, nɛ o maa ya Blɔ Gbali A Tsɔsemi Sukuu ɔ eko

• o kɛ nihi fuu maa je Baiblo mi ní kasemi sisi, nɛ o ma ná Baiblo mi ní kaseli fuu

• o kɛ fiɛɛli kpahi ma bla kɛ tsu ní, nɛ nyɛ maa wo nyɛ sibi he wami.—Rom 1:11, 12