MOO BƆ FIƐƐMI NÍ TSUMI Ɔ HE MƆDE | NƆ́ NƐ O MAA PEE KONƐ O NÁ BUA JƆMI BABAUU NGƐ FIƐƐMI NÍ TSUMI Ɔ MI
O Munyu ɔ Nɛ Su Nihi A Tsui He
E biɔ nɛ waa bu Mawu tue kɛ je wa tsui mi. (Abɛ 3:1) Enɛ ɔ he ɔ, ke wa ngɛ ní tsɔɔe ɔ, e sa nɛ waa bɔ mɔde nɛ waa su wa tue bulɔ ɔ tsui he. Mɛni blɔ nɔ wa ma nyɛ maa gu kɛ pee jã?
Koo tsɔɔ o ní kaselɔ ɔ Baiblo mi anɔkualehi pɛ, se mohu ɔ, ye bua lɛ konɛ e na bɔ nɛ nɔ́ nɛ e ngɛ kasee ɔ saa e si himi kɛ huɛ bɔmi nɛ ngɛ e kɛ Yehowa a kpɛti ɔ he ha. Ye bua lɛ nɛ e na bɔ nɛ mlaahi nɛ ngɛ Baiblo ɔ mi ɔ tsɔɔ suɔmi nɛ Mawu ngɛ, e kpakpa peemi kɛ bɔ nɛ e suɔ nɔ́ nɛ da ha. O kɛ ga nɛ tsu ní kɛ bi lɛ sanehi konɛ e ye bua lɛ nɛ e na bɔ nɛ e nuɔ he ha ngɛ nɔ́ nɛ e ngɛ kasee ɔ he. Moo ye bua lɛ konɛ e susu bɔ nɛ e si himi maa pee kpakpa ha a he ke e tsake e su aloo e ní peepee yayahi ɔ. Ke o na bɔ nɛ o ní kaselɔ ɔ suɔ Yehowa kɛ e tsui tsuo ha a, lɔ ɔ ma ha nɛ o ná bua jɔmi babauu.
NYƐƐ HYƐ VIDEO NƐ JI, MO NÁ KASELƆ PEEMI NÍ TSUMI Ɔ MI BUA JƆMI—HA O NÍ TSƆƆMI NƐ NU TSO—MOO SU NIHI A TSUI HE, LƆ Ɔ SE Ɔ, NYƐ HA SANE BIMIHI NƐ HYƐƐ SE NƐ ƆMƐ A HETO:
-
Mɛni he je nɛ Neeta bi Lily ke: “Anɛ o ná be nɛ o susu nɔ́ nɛ wa sɛɛ Hɔɛgbi ɔ he lo” ɔ?
-
Mɛni blɔ nɔ Neeta gu kɛ ye bua Lily konɛ e na bɔ nɛ mlaahi nɛ ngɛ Baiblo ɔ mi ɔ tsɔɔ suɔmi nɛ Yehowa ngɛ kɛ ha lɛ ɔ?
-
Ke wa su wa Baiblo kaselɔ ɔ tsui he ɔ, lɔ ɔ maa wo lɛ he wami nɛ e ya e hɛ mi
Mɛni blɔ nɔ Neeta gu kɛ ye bua Lily konɛ e susu blɔ nɔ nɛ e maa gu kɛ tsɔɔ kaa e suɔ Mawu ɔ he?
