Yehowa ye bua ohiatsɛmɛ ngɛ blema Israel ɔ. Mwɔnɛ ɔ, mɛni blɔ komɛ a nɔ Yehowa guɔ kɛ yeɔ bua e sɔmɔli nɛ a ji ohiatsɛmɛ?

• E tsɔɔ mɛ kaa a ná juɛmi nɛ da ngɛ sika he.—Luk 12:15; 1Ti 6:6-8

• E ye bua mɛ konɛ nihi nɛ a ná bumi kɛ ha mɛ.—Hiob 34:19

• E tsɔɔ mɛ kaa a tsu ní wawɛɛ nɛ a kua ní peepeehi nɛ maa ye mɛ awi.​—Abɛ 14:23; 20:1; 2Ko 7:1

• E ngɔ mɛ kɛ ba piɛɛ Kristofohi nɛ suɔmi ngɛ a kpɛti ngɛ je kɛ wɛ ɔ a he.​—Yo 13:35; 1Yo 3:17, 18

• E haa mɛ hɛ nɔ kami.​—La 9:18; Yes 65:21-23

Ke wa si fɔfɔɛ ɔ he wa po ɔ, e sɛ nɛ waa pee yeyeeye. (Yes 30:15) Ke wa ya nɔ nɛ wa hla Matsɛ Yemi ɔ se blɔ kekle ɔ, Yehowa ma ha wɔ wa he lo nya hiami níhi.​—Mat 6:31-33.

NYƐƐ HYƐ VIDEO NƐ JI, KO HA NƐ O SUƆMI Ɔ SE NƐ PO GBLEGBLEEGBLE . . . KE O NGƐ OHIA YEE​—CONGO, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• Ngɛ mɛni blɔ nɔ nɛ nyɛmimɛ nɛ a ngɛ kpe peemi he ɔmɛ ɔ je nibwɔ peemi su kpo kɛ tsɔɔ nihi nɛ a je he tsitsaa kɛ ba kpe ɔ?

• Kɛ video nɛ ɔ tsɔɔ bɔ nɛ Yehowa suɔ ohiatsɛmɛ ha kɛɛ?

• Ke wa be he lo nya níhi fuu po ɔ, ngɛ mɛni blɔ nɔ wa ma nyɛ maa kase Yehowa?