Yehowa suɔ kaa bua jɔmi nɛ hi wekuhi a mi. (La 127:3-5; Fiɛlɔ 9:9; 11:9) Se kɛ̃ ɔ, je nɛ ɔ mi nyagbahi kɛ níhi nɛ wa weku mi bimɛ peeɔ ɔ ma nyɛ ma ha nɛ wa bua jɔmi ɔ nɛ laa. Mɛni nɛ weku mi bimɛ ɔmɛ a kpɛti nɔ fɛɛ nɔ ma nyɛ maa pee kɛ ha nɛ bua jɔmi nɛ hi weku ɔ mi?

Huno jeɔ bu kpo kɛ haa e yo. (1Pe 3:7) E náa be kɛ haa e yo ɔ. E hyɛ we blɔ kaa níhi maa ya nɔ pɛpɛɛpɛ be fɛɛ be nɛ jehanɛ se hu ɔ, e jeɔ hɛsa kpo ngɛ níhi nɛ e yo ɔ peeɔ kɛ haa lɛ kɛ weku ɔ tsuo ɔ. (Kol 3:15) E jeɔ suɔmi kpo kɛ haa lɛ nɛ e jeɔ e yi.​—Abɛ 31:28, 31.

Yogbayo hlaa blɔhi a nɔ nɛ e maa gu kɛ ye bua e huno. (Abɛ 31:12) E baa e he si kɛ haa lɛ nɛ e kɛ lɛ peeɔ kake. (Kol 3:18) E jeɔ mi mi jɔmi mi nɛ e kɛ lɛ tuɔ munyu nɛ e peeɔ jã ke e kɛ ni kpahi ngɛ e huno ɔ he munyu tue.​—Abɛ 31:26.

Fɔli náa be kɛ haa a bimɛ. (5Mo 6:6, 7) A deɔ a bimɛ ɔmɛ ke a suɔ mɛ. (Mat 3:17) Ke a ngɛ a bimɛ ɔmɛ tsɔse ɔ a peeɔ jã ngɛ suɔmi kɛ mi mi jɔmi mi.​—Efe 6:4.

Bimɛ jeɔ bumi kpo kɛ haa a fɔli. (Abɛ 23:22) A haa nɛ a fɔli leɔ bɔ nɛ a susuɔ níhi a he ha kɛ bɔ nɛ a nuɔ he ha. A kplɛɛɔ tsɔsemi nɛ a fɔli kɛ haa mɛ ɔ nɔ nɛ a jeɔ bumi kpo kɛ haa mɛ.​—Abɛ 19:20.

NYƐƐ HYƐ VIDEO NƐ JI, MO NYA NGƐ O WEKU Ɔ MI, LƆ Ɔ SE Ɔ, NYƐ HA SANE BIMI NƐ NYƐƐ SE NƐ Ɔ HETO:

Mɛni nɛ weku mi bimɛ ɔmɛ a kpɛti nɔ fɛɛ nɔ pee konɛ bua jɔmi nɛ hi weku ɔ mi?