KRISTOFOHI A SI HIMI
Mo Je Yehowa Suɔmi Nɛ Ngɛ Daa Kpo
Yehowa pee suɔmi nɛ se pui he nɔ hyɛmi nɔ́ agbo kɛ ha wɔ. (La 103:11, NW) Suɔmi nɛ ɔ, pi he numi ko nɛ e se kɛ we kɛkɛ e se po. Suɔmi nɛ ɔ tsɔɔ suɔmi nɛ e mi wa nɛ e ngɛ kɛ yaa daa. Yehowa pee suɔmi nɛ ɔ he nɔ hyɛmi nɔ́ kɛ ha e ma Israel ngɛ blɔhi fuu a nɔ. E je mɛ kɛ je nyɔguɛ yemi mi ngɛ Egipt nɛ e kɛ mɛ ba Si Womi Zugba a nɔ. (La 105:42-44) Yehowa hwu kɛ ha e we bi nɛ e kɛ a he yayami ke mɛ si abɔ. (La 107:19, 20) Ke wa susu ‘Yehowa suɔmi nɛ ngɛ daa he’ ɔ, lɔ ɔ maa wo wɔ he wami konɛ waa kase lɛ.—La 107:43.
NYƐƐ HYƐ VIDEO NƐ JI, MO ‘SUSU YEHOWA SUƆMI NƐ NGƐ DAA A HE,’ LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:
-
Mɛni he je nɛ e sa nɛ waa ngɔ níhi kɛ sã afɔle kɛ tsɔɔ kaa wa ngɛ suɔmi nɛ se pui ɔ?
-
Mɛni he je nɛ suɔmi nɛ se pui nɛ wa ma je kpo ɔ biɔ nɛ waa ngɔ níhi kɛ sã afɔle ɔ?
