• La 69:​30, 31—Kɛ ngmami nɛ ɔmɛ maa ye bua wɔ ha kɛɛ ke wa ngɛ sɔlee? (w23.5 3-4 ¶ 6-9)

  O heto

• Mɛni junehi o na ngɛ otsi nɛ ɔ Baiblo kanemi ɔ mi nɛ o suɔ kaa o maa tu he munyu?

  O heto

Ngɛ January 2009 ɔ mi ɔ, a bla kpehi enyɔ nɛ wa peeɔ ngɛ otsi ɔ mi ɔ kɛ pee kake. Enɛ ɔ ha wekuhi he blɔ konɛ a kɛ pee gbɔkuɛ weku Mawu jami ngɛ otsi fɛɛ otsi mi. Nihi babauu a bua jɔ blɔ nya nɛ a to nɛ ɔ he ejakaa e ha nɛ a nyɛɔ peeɔ weku Mawu jami gbɔkuɛ nɛ jehanɛ se hu, a hɛɛ kɛ suu Yehowa kɛ a sibi a he.—5Mo 6:​6, 7.

Mɛni sisi tomi mlaa komɛ nɛ ma nyɛ maa ye bua wekuyihi konɛ a gbɔkuɛ Weku Mawu Jami ɔ nɛ ya nɔ saminya?

• Nyɛɛ pee be fɛɛ be nɛ nyɛ ko po mi. Ke e maa hi ɔ, nyɛɛ to be pɔtɛɛ kɛ ha weku Mawu jami ɔ daa otsi. Ke nɔ́ ko ba po mi ɔ, nyɛɛ tsɛ̃ kɛ to ligbi kpa nɔ ngɛ jamɛ a otsi ɔ nɔuu mi

• Mo dla o he. O kɛ o yo ɔ nɛ susu níhi a he, nɛ ke e ngɛ mi hluu ɔ, nyɛ bi nyɛ bimɛ ɔmɛ nɛ a tsɔɔ a juɛmi. E he hia we nɛ o ngɔ be fuu kɛ dla o he kɛ ha ní kasemi ɔ, titli ɔ, ke weku ɔ bua jɔ ní komɛ nɛ nyɛɛ kɛ peeɔ weku Mawu jami daa otsi ɔ he

• Ha nɛ weku Mawu jami ɔ kɛ o weku ɔ si fɔfɔɛ nɛ kɔ. Ke jokuɛwi ngɛ wae ɔ, a hiami níhi kɛ a ní peepee tsakeɔ. Enɛ ɔ he ɔ, e sa kaa níhi nɛ nyɛ maa kase ɔ nɛ ye bua weku mi bimɛ ɔmɛ tsuo nɛ a he nɛ wa ngɛ mumi mi

• Hla he nɛ sa nɛ e ngɛ dii kɛ ha ní ɔ kasemi. Be komɛ ɔ, nyɛ ma nyɛ maa kase ní ngɛ kpo ɔ nɔ ke nyɛ na kaa je ɔ mi tsɔ. Ke nyɛ ngɛ ní ɔ kasee nɛ e he hia kaa nyɛɛ jɔɔ nyɛ he ɔ, nyɛ ma nyɛ maa pee jã faa. E ngɛ mi kaa e sɛ kaa fɔli nɛ a kã a bimɛ ɔmɛ a hɛ mi loo a tsɔse mɛ ngɛ be mi nɛ a ngɛ gbɔkuɛ weku Mawu jami ɔ pee mohu lɛɛ, se ke a na kaa weku ɔ mi nɔ ko je su pɔtɛɛ ko kpo loo e kɛ haomi pɔtɛɛ ko ngɛ kpee ɔ, a ma nyɛ maa ngɔ be ɔ eko kɛ susu he

• Nyɛɛ ngɔ ní slɔɔtohi kɛ pee nyɛ weku Mawu jami ɔ. Kaa nɔ hyɛmi nɔ́ ɔ, nyɛɛ ngɔ níhi nɛ a maa kase ngɛ asafo mi kpe sisi, videohi nɛ a ngɛ jw.org ɔ nɔ kɛ munyuhi nɛ nyɛɛ kɛ maa ya fiɛɛmi ɔ kɛ dla nyɛ he ke nyɛ ngɛ weku Mawu jami pee. E ngɛ mi kaa ní sɛɛmi piɛɛ gbɔkuɛ Weku Mawu Jami ɔ he mohu lɛɛ, se be komɛ ɔ, nyɛ ma nyɛ maa ngɔ be nɛ nyɛɛ kɛ peeɔ weku Mawu jami ɔ kɛ pee nyɛ dɛ he ní kasemi

Nyɛ susu sane bimi nɛ ɔ he:

• Mɛni blɔ nɔ o gu nɛ o kɛ sisi tomi mlaa nɛ ɔmɛ tsu ní ngɛ o weku Mawu jami ɔ mi?

  O heto