37:1, 2

• Ko ha nɛ ngɔɔmi nɛ yayami peeli ngɛ yee nɛ e be kɛe nɛ e maa ba nyagbe ɔ nɛ je o juɛmi kɛ je Yehowa sɔmɔmi nɔ. Moo ngɔ o juɛmi kɛ ma mumi mi jɔɔmihi nɛ o ngɛ nae, kɛ otihi nɛ o kɛ ma o hɛ mi ngɛ Mawu jami mi ɔ nɔ

37:3

• Mo ná hɛ kɛ nɔ fɔmi ngɛ Yehowa mi kaa ke o hao loo o pee basaa a, e maa ye bua mo. E maa ye bua mo konɛ o ye lɛ anɔkuale

• O kɛ hɛdɔ nɛ fiɛɛ Mawu Matsɛ Yemi ɔ he sane kpakpa a

37:4

• Moo to be kɛ kane Mawu Munyu ɔ nɛ o susu nɔ́ nɛ o kane ɔ he, konɛ o le Yehowa saminya

37:5, 6

• Moo ngɔ o hɛ kɛ fɔ Yehowa nɔ konɛ e ye bua mo nɛ o nyɛ nɛ o tsu haomihi nɛ o kɛ maa kpe ɔmɛ a he ní

• Ke nihi te si kɛ wo mo, loo a wa mo yi mi, loo a gbe o he guɛ po ɔ, moo ya nɔ nɛ o je su kpakpa kpo

37:7-9

• Koo pee níhi nɛ ma nyɛ ma puɛ bua jɔmi nɛ o ngɛ, kɛ huɛ bɔmi kpakpa nɛ ngɛ o kɛ Yehowa nyɛ kpɛti ɔ

37:10, 11

• Moo ba o he si, nɛ o mlɛ kɛ ya si be nɛ Yehowa maa ye o sane ha mo

• Ye bua nyɛmimɛ kpahi, nɛ o wo nihi nɛ a hao ɔ a bua kaa e be kɛe nɛ Mawu ma ha wɔ je ehe nɛ e wo he si ɔ