MOO BƆ FIƐƐMI NÍ TSUMI Ɔ HE MƆDE
Wa He Nɛ Maa Be Ngɛ Fiɛɛmi Ní Tsumi ɔ Mi
NƆ́ HE JE NƐ E HE HIA: E ngɛ mi kaa womi hami he munyuhi nɛ ngɛ kpe ɔ ní kasemi womi ɔ mi ɔ hi mohu lɛɛ, se a ji nɔ hyɛmi níhi kɛkɛ. E sa nɛ o dlaa mo nitsɛ o nɔ́. O ma nyɛ maa gu blɔ kpa nɔ kɛ ha womi ɔ, nɛ o ma nyɛ maa tu nɔ́ kpa ko nɛ ngɛ womi ɔ mi nɛ nihi nɛ a ngɛ nyɛ zugba kpɔ ɔ mi ɔ a bua maa jɔ he ɔ he munyu. Ke o kane womi tɛtlɛɛ ɔ, nɛ o kane womi hami he munyu nɛ a ngma a, nɛ o hyɛ womi hami he video ɔmɛ ta a, o ma nyɛ maa ngɔ blɔ tsɔɔmi nɛ nyɛɛ se nɛ ɔmɛ kɛ dla mo nitsɛ o womi hami he munyu.
BLƆ NƆ NƐ O MAA GU KƐ PEE:
Mo bi o he ke, ‘Anɛ i kɛ womi hami he munyu ɔmɛ eko ma tsu ní lo?’
EE
-
Mo dla munyu nɛ o kɛ maa je ní sɛɛmi ɔ sisi. Ke o nga wetsɛ ɔ ta a, mo de lɛ nɔ́ he je nɛ o ba slaa lɛ ɔ. (Kaa nɔ hyɛmi nɔ́ ɔ, o ma nyɛ ma de ke: “I ba slaa mo ejakaa . . . ”)
-
Mo susu bɔ nɛ o ma dla o munyu ɔ ha a he konɛ sane nɛ o ma bi, ngmami nɛ o maa kane, kɛ bɔ nɛ o ma ha womi ɔ ha a nɛ ya tɛɛ. (Kaa nɔ hyɛmi nɔ́ ɔ, loko o maa kane ngmami ko ɔ, o ma nyɛ ma de ke: “Wa maa na sane bimi nɛ ɔ heto nɛ ma ha o tsui maa nɔ o mi ngɛ ngmami nɛ ɔ mi.”)
DƐBI
-
Moo hla womi tɛtlɛɛ ɔ mi munyu ko nɛ o bua jɔ he, nɛ o susu kaa nihi nɛ a ngɛ nyɛ zugba kpɔ ɔ mi ɔ a bua maa jɔ he ɔ konɛ o kɛ dla o he
-
Mo hla sane bimi ko nɛ ma ha nɛ wetsɛ ɔ maa tsɔɔ e juɛmi. Ko bi sane nɛ ma ha nɛ zo nɛ gbe lɛ. (Kaa nɔ hyɛmi nɔ́ ɔ: O ma nyɛ ma bi sanehi kaa nɔ́ nɛ ngɛ ba fa 2 ngɛ womi tɛtlɛɛ ɔ mi ɔ.)
-
Moo hla ngmami nɛ o maa kane. (Akɛnɛ a pee Awake! womi tɛtlɛɛ ɔ kɛ ha nihi nɛ a li Baiblo ɔ he nɔ́ ko tsɔ, kɛ nihi nɛ a bua jɔɛ jami he he je ɔ, pi doo kaa ke o kɛ womi ɔ ma ha a, o maa kane ngmami ko.)
-
Mo dla munyu bɔɔ ko nɛ o kɛ maa tsɔɔ wetsɛ ɔ bɔ nɛ e ma ná munyuhi nɛ ngɛ womi ɔ mi ɔ he se ha
BLƆ FƐƐ BLƆ NƆ NƐ O MAA GU KƐ PEE Ɔ
-
Mo hla sane bimi ko nɛ o kɛ ma si wetsɛ ɔ, konɛ ke o kpale ya slaa lɛ ɔ, o ha lɛ heto
-
Moo ngma níhi nɛ o suɔ nɛ o ma de pee se ɔ kɛ fɔ si konɛ o nyɛ nɛ o kai
