Ní Sɛɛmi He Nɔ Hyɛmi Níhi
●○○ KEKLE LIGBI NƐ O YA NA NƆ KO
Kaimi ɔ He Nine Fɔmi Womi ɔ Gbami (March 3-31): Wa suɔ nɛ waa fɔ mo nine kɛ ha ní peemi ko nɛ he hia wawɛɛ. O nine fɔmi womi ji nɛ ɔ nɛ. Ngɛ Hɔ, March 31 ɔ nɔ ɔ, nimli ayɔhi abɔ ma bua a he nya ngɛ je kɛ wɛ kɛ kai Yesu Kristo gbenɔ ɔ. Nine fɔmi womi nɛ ɔ tsɔɔ be kɛ he nɛ a maa pee ngɛ ngɛ kpɔ nɛ ɔ mi. Ke e piɛ otsi nɛ a maa ye Kaimi ɔ, a maa tu munyu ko nɛ e yi ji, “Mɛnɔ Tutuutu Ji Yesu Kristo?” Wa ngɛ mo nine fɔe nɛ́ o ba bu munyu nɛ ɔ hu tue.
Sane Bimi Nɛ A Ma Susu He Pee Se Ke Wetsɛ ɔ Bua Jɔ Munyu ɔ He: Mɛni he je nɛ Yesu gbo ngɛ?
○●○ KEKLE KPALE YA SLAA
Sane Bimi: Mɛni he je nɛ Yesu gbo ngɛ?
Ngmami: Mat 20:28
Sane Bimi Nɛ A Ma Susu He Pee Se: Mɛni kpɔmi nɔ́ ɔ tsu?
○○● KPALE YA SLAA ENYƆNE
Sane Bimi: Mɛni kpɔmi nɔ́ ɔ tsu?
Ngmami: Ro 6:23
Sane Bimi Nɛ A Ma Susu He Pee Se: Mɛni wa ma nyɛ maa pee kɛ tsɔɔ kaa wa bua jɔ kpɔmi nɔ́ ɔ he?
