25:1-12

E ngɛ mi kaa Yesu nɔ́ he tomi nɔ́ nɛ kɔɔ Yihewi nyɔngma nɛ a li nyumu ɔ he ɔ kɔɔ e se nyɛɛli nɛ a pɔ mɛ nu ɔ a he mohu lɛɛ, se munyu nɛ ɔ kɔɔ Kristofohi tsuo a he. (w15 3/15 9-14) “Enɛ ɔ he ɔ, nyɛɛ ya nɔ nɛ nyɛɛ hwɔɔ, ejakaa nyɛ li ligbi ɔ aloo ngmlɛfia a.” (Mat 25:13) Anɛ, o ma nyɛ maa tsɔɔ Yesu nɔ́ he tomi nɔ́ ɔ nya lo?

• Ayɛflo huno ɔ (kk. 1)​—Yesu

• Enuɔ lɛɛ a ji juɛmitsɛmɛ nɛ a dla a he (kk. 2)​—Kristofohi nɛ a pɔ mɛ nu nɛ a pee klaalo kaa a kɛ anɔkuale yemi ma tsu ní tsumi nɛ a kɛ wo a dɛ ɔ. A maa hi kpɛe kaa la kɛ ya si nyagbe ɔ (Flp 2:15)

• Ngmlaa pɛ ke: “Ayɛflo huno ɔ ma!” (kk. 6)—Okadi nɛ tsɔɔ kaa Yesu ba

• Yihewi Kuasia amɛ nɛ a li nyumu ɔ (kk. 8)​—Kristofohi nɛ a pɔ mɛ nu nɛ a ya kpee Ayɛflo Huno ɔ, se a yɛ nɔ nɛ a hwɔɔ, nɛ a yi anɔkuale hulɔ

• Yihewi juɛmitsɛmɛ nɛ a li nyumu ɔ kua ke a be kuasia amɛ a nu ɔ eko hae (kk. 9)​—Ngɛ nyagbe nya sɔumi ɔ se ɔ, Kristofohi nɛ a pɔ mɛ nu nɛ a yeɔ anɔkuale ɔ be nyɛe maa ye bua a kpɛti nihi nɛ a yi anɔkuale ɔ, ejakaa ke e ke suu jamɛ a be ɔ, kɛkɛ be be momo

• “Ayɛflo huno ɔ ba” (kk. 10)​—Yesu ma ba kojo ke e piɛ bɔɔ nɛ amanehlu ngua a maa ba nyagbe

• Yihewi juɛmitsɛmɛ nɛ a li nyumu ɔ kɛ ayɛflo huno ɔ ho yo kpeemi ɔ ya, nɛ a nga sinya a (kk. 10)​—Yesu ma bua nihi nɛ a pɔ mɛ nu ɔ a kpɛti nihi nɛ a yeɔ anɔkuale ɔ a nya kɛ ho hiɔwe ya, se ni nɛmɛ nɛ yi anɔkuale ɔ lɛɛ hiɔwo nɛ a ma ná ngɛ hiɔwe ɔ ma bɔ mɛ