NƆ́ HE JE NƐ E HE HIA: 1 Korinto Bi a womi ɔ piɛɛ sɛ womi 14 nɛ bɔfo Paulo ngma kɛ wo e nyɛmimɛ Kristofohi he wami ɔ he. Loko nɔ ko bua maa jɔ sɛ womi ko he nɛ e kane mi si abɔ ɔ, ja a ngma sɛ womi ɔ saminya. Sɛ womi ngmami ji blɔ kake nɛ hi wawɛɛ nɛ wa guɔ nɔ kɛ yeɔ wa weku li kɛ wa huɛmɛ odase. Jehanɛ se hu ɔ, e ji blɔ nɛ hi wawɛɛ nɛ waa kɛ yeɔ nihi nɛ wa nɛ mɛ ngɛ we mi ɔ odase. Kaa nɔ hyɛmi nɔ́ ɔ, nɔ ko ma nyɛ ma ná sane kpakpa a he bua jɔmi se e eko ɔ, e he maa wa kaa wa maa na lɛ ngɛ we mi. Akɛnɛ ni komɛ ngɛ wa zugba kpɔ ɔ mi ɔ ngɛ wehi nɛ agbohi ngɛ a nya, aloo a ngɛ hehi nɛ a tsɔ a he banee he je ɔ, e he maa wa kaa wa maa na mɛ nɛ waa ye mɛ odase. Ke o ngɛ sɛ womi ngmae kɛ ya ha nɔ ko nɛ o li lɛ ɔ, mɛni ji ní komɛ nɛ e sa kaa e hi o juɛmi mi?

BƆ NƐ O MAA PEE LƐ HA:

• Moo ngma nɔ́ nɛ ke o kɛ nɔ ɔ kpe ɔ, o ko de lɛ ɔ. Kekleekle ɔ, moo tsɔɔ lɛ o biɛ, kɛ kpɔ mi nɛ o ngɛ, nɛ o tsɔɔ nɔ́ he je nɛ o ngɛ lɛ sɛ womi ɔ ngmae ɔ. Lɔ ɔ se ɔ, mo bi lɛ sane ko nɛ e susu he, nɛ o tsɔɔ lɛ wa wɛbsaiti ɔ. Moo tu Online Bible Study Lessons (amlɔ nɛ ɔ, e be Dangme mi) ɔ he munyu kɛ tsɔɔ lɛ, loo mo de lɛ Baiblo mi ní kasemi nɛ waa kɛ nihi peeɔ ɔ. Moo tu munyuyi komɛ nɛ a ngɛ womihi nɛ waa kɛ nihi kaseɔ ɔ eko mi ɔ he munyu kɛ tsɔɔ lɛ. O ma nyɛ maa ngɔ JW.ORG kaadi ɔ, nine fɔmi womi, aloo dɛ womi kɛ piɛɛ sɛ womi ɔ he.

• O munyu ɔ nɛ pee kpiti. Koo ngma níhi fuu ngɛ sɛ womi ɔ mi. Enɛ ɔ ma ha nɛ nɔ ɔ bua maa jɔ e kanemi he.​—Hyɛ sɛ womi he nɔ hyɛmi nɔ́

• Moo kane mi si abɔ konɛ o dla tɔ̃tɔ̃mihi nɛ ngɛ mi ɔ bɔ nɛ pee nɛ e kanemi ko ye. Moo ngɔ stamp abɔ nɛ sa kɛ mɛtɛ envelope ɔ nɔ.