La 18 Kɛ Sɔlemi

Munyu Nɛ A Kɛ Ma Bli Kpe ɔ Nya (Hɛngm. 1)

“Esau Jua E Bitɛte Blɔ Nya a”: (Hɛngm. 10)

• 1Mo 25:27, 28​—Esau kɛ Yakob ji hawi, se e slo bɔ nɛ a ti nɔ tsuaa nɔ peeɔ e ní ha, kɛ níhi nɛ a ti nɔ tsuaa nɔ bua jɔ he (it-1-E 1242)

• 1Mo 25:29, 30​—Esau ha nɛ hwɔ nɛ ngɛ lɛ yee kɛ pɔ nɛ tɔ e he ɔ kudɔ e ní peepee

• 1Mo 25:31-34​—Esau bua jɔɛ ní klɔuklɔuhi a he, nɛ lɔ ɔ ha nɛ e jua e bitɛte blɔ nya a kɛ ha Yakob, nɛ e kɛ tsake yɔ flɔɔ nɛ́ e susuu we he po (w19.02 16 ¶11; it-1-E 835)

Hla Ngmami ɔ Mi Junehi Fitsofitso: (Hɛngm. 10)

• 1Mo 25:31-34​—Mɛni he je nɛ wa be nyɛe maa da ngmami nɛ ɔ nɔ kɛ tsɔɔ kaa bitɛte blɔ nya a kɛ Mesia a ngɛ tsakpa a? (Heb 12:16; w17.12 15 ¶5-7)

• 1Mo 26:7​—Mɛni he je nɛ Isak de we anɔkuale ɔ tsuo nɛ ngɛ sane nɛ ɔ mi ɔ? (it-2-E 245 ¶6)

• Mɛni junehi o na ngɛ otsi nɛ ɔ Baiblo kanemi ɔ mi nɛ kɔɔ Yehowa Mawu he, fiɛɛmi ní tsumi ɔ aloo nɔ́ kpa ko he nɛ o suɔ kaa o maa tu he munyu?

Baiblo Kanemi: (Hɛngm. 4 loo nɔ́ nɛ sui jã) 1Mo 26:1-18 (th ní kasemi 5)

Kekle Kpale Ya Slaa He Video: (Hɛngm. 5) Ní Sɛɛmi. Je video ɔ, lɔ ɔ se ɔ, mo bi tue buli ɔmɛ sane bimihi nɛ nyɛɛ se nɛ ɔmɛ: Mɛni wa maa pee konɛ wa ko gbe wetsɛ ko zo ke e li sane ko nɛ wa bi lɛ ɔ heto ɔ? Mɛni blɔ nɔ nɛ fiɛɛlɔ ɔ gu nɛ e kɛ wetsɛ ɔ susu Mateo 20:28 ɔ he saminya?

Kekle Kpale Ya Slaa: (Hɛngm. 4 loo nɔ́ nɛ sui jã) Ngɔɔ ní sɛɛmi he nɔ hyɛmi nɔ́ ɔ kɛ tsu ní. (th ní kasemi 3)

Kekle Kpale Ya Slaa: (Hɛngm. 4 loo nɔ́ nɛ sui jã) Ngɔɔ ní sɛɛmi he nɔ hyɛmi nɔ́ ɔ kɛ je sisi. Ha wetsɛ ɔ Tsɔɔ Wɔ womi ɔ eko. (th ní kasemi 15)

La 78

Ngɔɔ Videohi Kɛ Tsu Ní Ke O Kɛ Nihi Ngɛ Sane Kpakpa Nɛ Je Mawu Ngɔ! Womiyo ɔ Kasee: (Hɛngm. 15) Ní Sɛɛmi. Je videohi nɛ ji, Mɛni Si Fɔfɔɛ Mi Gbogboehi Ngɛ? kɛ Mɛni He Je Nɛ Mawu Ngmɛ Nɔ́ Nami Blɔ ɔ?. Ke nyɛ hyɛ video ɔ eko fɛɛ eko ta a, mo bi sane bimihi nɛ nyɛɛ se nɛ ɔmɛ: Mɛni blɔ nɔ o kɛ video nɛ ɔ ma tsu ní ke o kɛ nɔ ko ngɛ Sane Kpakpa womiyo ɔ kasee? (mwb19.03 7) Mɛni otihi o na ngɛ video nɛ ɔ mi nɛ maa ye bua mo ngɛ o ní tsɔɔmi mi? Mo kai tue buli ɔmɛ kaa, a ngɔ videohi kɛ wo Sane Kpakpa womiyo ɔ nɛ ngɛ JW Library ɔ kɛ jw.org ɔ nɔ ɔ mi.

Asafo Baiblo Mi Ní Kasemi: (Hɛngm. 30) jy yi 108

Munyu Nɛ A Kɛ Maa Mwɔ Kpe ɔ Nya (Hɛngm. 3 loo nɔ́ nɛ sui jã)

La 107 Kɛ Sɔlemi