Daa jeha a, wa bɔɔ mɔde kaa wa maa fɔ nihi nɛ a ngɛ wa kpɔ ɔmɛ a mi ɔ nine konɛ a ba piɛɛ wa he kɛ kai Yesu gbenɔ ɔ. A ti nihi fuu ji nibwɔhi. E sa nɛ waa fɔ nihi nɛ wa le mɛ ɔ hu nine kɛ ba Kaimi ɔ. Behi fuu ɔ, ke wa fɔ wa huɛmɛ kɛ nihi nɛ wa le mɛ ɔ nine ɔ, a baa Kaimi ɔ. (yb08-E 11 ¶3; 14 ¶1) Mɛnɔmɛ hu nɛ o ma nyɛ maa fɔ mɛ nine?

• O weku li

• Nihi nɛ o kɛ mɛ tsuɔ ní aloo o sukuu bi

• Nihi nɛ a ngɛ o kpɔ ɔ mi

• O Baiblo mi ní kaseli, nihi nɛ o kɛ mɛ kpa Baiblo ɔ kasemi kɛ nihi nɛ o kpale ya slaa mɛ

Jehanɛ hu ɔ, asafo mi nikɔtɔma amɛ maa fɔ nihi nɛ a kpa asafo mi kpehi kɛ fiɛɛmi yami ɔ nine. Se ke o huɛ ko aloo nɔ ko nɛ o le lɛ nɛ o suɔ kaa o maa fɔ lɛ nine ɔ ngɛ he kpa hu nɛɛ? Ke o ya WA HE SANEHI nɛ ngɛ jw.org ɔ nɔ, nɛ o ya “Kaimi” ɔ, o maa na be kɛ he nɛ a maa pee Kaimi ɔ ngɛ ngɛ he nɛ o huɛ ɔ ngɛ ɔ. Ke o ngɛ o he dlae kɛ ha jeha nɛ ɔ Kaimi ɔ, mo susu nihi nɛ o ma nyɛ maa fɔ mɛ nine ɔ a he, nɛ o fɔ mɛ nine.