Yehowa suɔ nɛ waa je suɔmi mi kɛ sɔmɔ lɛ. (Mat 22:37, 38) Suɔmi nɛ Baiblo kaseli ngɛ kɛ ha Mawu ɔ lɛ maa wo mɛ he wami nɛ a ma nyɛ maa pee tsakemihi ngɛ a si himi mi, nɛ jehanɛ ɔ se hu, a ma nyɛ ma fi si ke a kɛ kahi ngɛ kpee. (1Yo 5:3) Suɔmi nɛ a ngɛ kɛ ha Mawu ɔ lɛ maa wo mɛ he wami konɛ a ha nɛ a baptisi mɛ.

Moo ye bua o Baiblo kaseli nɛ a na kaa Mawu suɔ mɛ. Mo bi mɛ sane komɛ kaa: “Mɛni enɛ ɔ tsɔɔ mo ngɛ Yehowa he?” aloo “Kɛ enɛ ɔ tsɔɔ bɔ nɛ Mawu suɔ mo ha kɛɛ?” Moo ye bua mɛ nɛ́ a na bɔ nɛ Yehowa ngɛ mɛ ye buae ha. (2Kron 16:9) Mo de mɛ níhi a si kpami nɛ tsɔɔ bɔ nɛ Yehowa ha o sɔlemi pɔtɛɛ komɛ a heto ha, nɛ́ o wo mɛ he wami nɛ mɛ hu a yɔse bɔ nɛ Yehowa ngɛ a sɔlemihi a heto hae ha. Ke wa na kaa wa Baiblo kaseli nu he kaa Yehowa suɔ mɛ nɛ a ngɔ a ní peepee kɛ tsɔɔ kaa mɛ hu a suɔ Yehowa nɛ a suɔ nɛ a pee e huɛ ɔ, e haa nɛ wa bua jɔɔ wawɛɛ.

NYƐƐ HYƐ VIDEO NƐ JI, MOO YE BUA O BAIBLO KASELI NƐ A KƐ YEHOWA NƐ PEE HUƐ, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• Mɛni nyagba nɛ Lily kɛ kpe?

• Mɛni blɔ nɔ Neeta gu kɛ ye bua Lily?

• Mɛni blɔ nɔ Lily gu kɛ da nyagba nɛ e kɛ kpe ɔ nya?