Mumi klɔuklɔu ɔ wo Salomo he wami nɛ e ngma ke: “Ngɛ níhi tsuo nɛ o buɔ he ɔ a kpɛti ɔ, moo bu o tsui he pe nɔ́ fɛɛ nɔ́.” (Abɛ 4:23 NW) Aywilɛho sane ji kaa Israel bi ɔmɛ nɛ ji Yehowa we bi ɔ sɔmɔ we Yehowa hu kɛ “a tsui tsuo.” (2Kron 6:14) Matsɛ Salomo nitsɛ po ngmɛ blɔ nɛ e ma se yi ɔmɛ nɛ a jaa lakpa mawuhi ɔ kudɔ e tsui nɛ e ya ja mawu kpahi. (1Ma 11:4) Mɛni o maa pee kɛ po o tsui he piɛ? Lɔ ɔ ji munyuyi nɛ a susu he ngɛ Hwɔɔmi Mɔ nɛ je kpo ngɛ January 2019 ba fa 14-19 ɔ mi ɔ nɛ.

NYƐƐ HYƐ VIDEO NƐ JI, NÍHI NƐ WA KASE NGƐ HWƆƆMI MƆ Ɔ MI​—MOO PO O TSUI HE PIƐ, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

Mɛni ji ní komɛ nɛ ko nyɛ gbɔjɔ Kristofo ɔmɛ a hemi kɛ yemi ɔ, nɛ kɛ Hwɔɔmi Mɔ nɛ ɔ nɛ a kase ɔ ye bua mɛ nɛ a po a tsui he piɛ ha kɛɛ?

• Brent kɛ Lauren

   

• Umjay

   

• Happy Layou

   

Kɛ Hwɔɔmi Mɔ ɔ mi ní kasemi nɛ ɔ ye bua mo ha kɛɛ?