• La 23:3—Mɛni ji “blɔhi nɛ da a”, nɛ mɛni maa ye bua wɔ konɛ wa ko gba kɛ je blɔ nɔ ɔmɛ a nɔ? (mwbr24.03 bf. 6 kk. 4, 5; bf. 7 kk. 1)

  O heto

• Mɛni junehi o na ngɛ otsi nɛ ɔ Baiblo kanemi ɔ mi nɛ o suɔ kaa o maa tu he munyu?

  O heto

Jijɔhi le a nɔ hyɛlɔ ɔ gbi nɛ a nyɛɛɔ e se. Ngɛ anɔkuale mi ɔ, ke nibwɔ ko tsɛ mɛ ɔ a tuɔ fo ejakaa a li e gbi. (Yo 10:5) Jã kɛ̃ nɛ wɔ hu wa buɔ wa nɔ hyɛli nɛ ji Yehowa kɛ Yesu nɛ a ngɛ suɔmi nɛ waa kɛ wa hɛ ma nyɛ maa fɔ a nɔ ɔ a gbi tue. (La 23:1; Yo 10:11) Se wa kuaa nibwɔhi nɛ a bɔɔ mɔde kaa a kɛ “abisinia munyuhi” maa sisi wɔ konɛ wa hemi kɛ yemi ɔ mi nɛ gbɔjɔ ɔ a gbi.—2Pe 2:​1, 3.

Mose kekleekle womi ɔ yi etɛ ɔ tsɔɔ kekle be nɛ a nu nibwɔ ko gbi ngɛ zugba a nɔ. Satan gu blɔ nigii nɔ kɛ ba sisi Hawa. E bua pee e ní kaa e ji huɛ kpakpa nɛ e plɛ Yehowa munyu ɔ kɛ e yi mi tomi ɔ hɛ mi kɛ bu si. Aywilɛho sane ji kaa, Hawa bu lɛ tue nɛ enɛ ɔ ngɔ haomi nɛ nya wa kɛ ba e kɛ e weku ɔ nɔ.

Mwɔnɛ ɔ, Satan guɔ lakpa munyuhi, munyuhi nɛ anɔkuale bɔɔ ko ngɛ mi kɛ he guɛ gbe munyuhi a nɔ konɛ e kɛ ha nɛ wa yi mi nɛ pee wɔ enyɔɔnyɔ ngɛ Yehowa kɛ e we asafo ɔ he. Ke wa nu nibwɔhi a gbi ɔ, e sa kaa waa ma fo oya nɔuu! Oslaa ngɛ he kaa wa ma kpa nɔ́ nɛ a ngɛ de ɔ si nɛ waa hyɛ. Munyuhi enyɛmɛ nɛ Satan kɛ sisi Hawa ngɛ ní sɛɛmi kpiti nɛ ya nɔ ngɛ a kpɛti ɔ? (1Mo 3:​1, 4, 5) Ke nɔ ko nɛ wa le lɛ loo wa suɔ lɛ ɔ suɔ kaa e ma de wɔ lakpa munyu ko nɛ kɔ Yehowa asafo ɔ he ɔ hu nɛɛ?

Je VIDEO nɛ ji, Kua “Nibwɔhi A Gbi.” Lɔ ɔ se ɔ, mo bi tue buli ɔmɛ ke:

Mɛni o kase ngɛ bɔ nɛ Lily kɛ e yayo nɛ e he we anɔkuale ɔ yi ɔ ye ha a mi?